ZTE Axon 9 Pro smartfonining ilk fotosuratini namoyish qildi
Avgust oyining boshida ZTE kompaniyasi o‘zining yangi Axon 9 flagmani va uning avvalgi versiyasi Pro’si bilan bozorga qaytayotgani haqda yozgandik. Endi esa, ishlab chiqaruvchi Axon 9 Pro’ning ilk suratlarini namoyish qildi va anons kunini ham e’lon qilishdi.
Reklama tizerida ko‘rish mumkinki, yangi va zamonaviy smartfon klassik uslubdagi shakl-shamoyilga ega bo‘lib, yupqa yon romli va ekranda qirqmasi ham bor. Orqa panelda ikkitalik vertikal kamera, ZTE logotipi va barmoq izlari skaneri ko‘rinib turibdi. Axon 9 va Axon 9 Pro shu yilning 30 avgustida IFA 2018 ko‘rgazmasi arafasida omma e’tiboriga havola etiladi.
O‘QING:ZTE hayotga qaytayapti: Axon 9 debyuti bilan
Mish-mishlarga qaraganda, Axon 9 Pro 6-dyuymli QHD+ ekraniga va ikkitalik kameraga ega bo‘ladi, shuningdek 13-megapikselli selfi-kamerasi ham bor. Qurilma flagman sanalgan Snapdragon 845 chipi bilan ta’minlanadi. Tezkor xotirasi 4 yoki 6 gigabayt hamda ichki xotirasi 64, 128 va 256 gigabayt. Narx borasida hozircha aniq xabar berilmadi.
O‘QING:ZTE kompaniyasiga qo‘yilgan taqiq butunlay olib tashlandi, ammo ko‘rilgan zarar oz emas