ZTE компаниясига қўйилган тақиқ бутунлай олиб ташланди, аммо кўрилган зарар оз эмас

АҚШ савдо вазирлиги Хитойнинг  ZTE компаниясига қўллаган барча иқтисодий  тақиқни олиб ташлади. Энди компания АҚШдаги фаолиятини бемалол қайта бошлаши мумкин. Аслида бу ҳақдаги келишув бир ой аввал имзоланган эди.

Эслатиб ўтамиз, ZTE’га нисбатан иқтисодий санкция ушбу компаниянинг Эрон ва Шимолий Корея билан олиб борган савдо фаолияти учун қўлланилган эди. Натижада яқин етти йил давомида АҚШ ҳудудида ZTE компаниясининг жиҳозлари ва дастурий таъминотлари сотилиши тақиқлаб қўйилди.

АҚШ ҳукумати томонидан қўлланилган иқтисодий жазони бекор қилиш учун ZTE  1 миллиард доллар жарима тўлашига тўғри келди. Бундан ташқари, гаров тариқасида компаниянинг банк ҳисобида 400 миллион доллар музлатиб қўйилди.

ЎҚИНГ:АҚШ тақиқни бекор қилди: ZTE омон қоладиган бўлди

«Биз тақиқни бекор қилдик, лекин департамент АҚШнинг барча қонун ва қоидалари сўзсиз бажарилишини таъминлаш учун  ZTE’нинг келгуси фаолиятини кузатиб боради»,- дея таъкидланади АҚШ савдо вазирлиги тарқатган баёнотда.

ЎҚИНГ:Samsung яна жаримага тортилди: бу сафар нақ 400 миллион долларга

Санкция бекор қилингани ҳақда хабар тарқалгандан кейин  ZTE акциялари 25 фоизга кўтарилди. Аммо, бу ҳам АҚШда муаммо пайдо бўлишидан олдинги нархга қараганда икки баробарга кам.

Шунингдек, дастлабки ҳисоб-китобларга қараганда,жорий йилнинг биринчи ярмида компания   1,05–1,34 миллиард доллар зарар кўрган.

ЎҚИНГ:Apple жаримага тортилди