Oukitel o‘zining "Xiaomi Mix 2"sini 2 barobar arzonga baholadi

Bir muddat avval taqdim qilingan romsiz Oukitel Mix 2 smartfoni tashqi ko‘rinishidan Xiaomi Mix 2 flagmanini eslatishi barobarida, undan ancha arzon. Misoli egizklardek. bir-biriga o‘xshash gadjetlarning apparat ta’minoti ham deyarli bir xil.

Oukitel Mix 2 ekrani Xiaomi Mix 2'niki bilan bir xil: 5,99 dyuymli Full HD+ displey, metall ramka va shishali orqa panelga ega bo‘lgan. Shu bilan birga, devaysga biri 21, boshqasi 2 Mp bo‘lgan 2 ta sensordan iborat bosh kamera mavjud. Selfi kamera uchun 13 megapikselli old kamera tanlangan. Kamera ham Xiaomi'ning flagmani kabi, 4 K video tasvirga oladi.

Oukitel Mix 2'da ham tezkor xotira 6, doimiy xotira 64 gigabaytli. Shuningdek, akkumulyator sig‘imi ancha yuqori -- 4080 mA soat. Xiaomi esa flagmaniga 3300 mA soat tok sig‘imiga ega batareya o‘rnatgan. Ularning har ikkalasida tezkor quvvat olish texnologiyasi mavjud.

Texnologik jihatdan bu ikkala smartfonlar o‘rtasidagi yagona farq -- protsessorida. Xiaomi nom qozongan Snapdragon 835'ni o‘rnatgan bo‘lsa, Oukitel Mix 2'da 8 yadroli Helio P25 o‘rnatilgan.

Quyidagi jadvalda smartfonlarni taqqoslang:

 Narx-navo
Xiaomi Mix 2 ayni paytda $589,99 AQSh dollaridan sotilmoqda. Oukitel Mix 2 esa bozorga oktyabrda $299,99 dollardan chiqariladi.