Samsung saytida buklama Galaxy X «ko‘rindi»
Koreyalik smartfonsozning buklanuvchi smartfoni – Galaxy X kodli nomi ostidagi qurilma kecha ishlab chiqaruvchining rasmiy qo‘llab-quvvatlash saytida paydo bo‘ldi.
O‘QING: Bukiluvchan Samsung Galaxy X haqiqiy eksklyuziv bo‘ladi
Qo‘llab-quvvatlash sahifasida SM-G888N0 model raqamiga ega smartfonni qo‘llab-quvvatlash haqida eslanadi. Janubiy Koreya uchun ishlab chiqariladigan Samsung Galaxy X ayni shunday raqamga ega bo‘lishi kutilmoqda.
Avvalroq ushbu model Janubiy Koreyaning Milliy aloqa agentligida, Bluetooth SIG hamda WiFi Alliance tashkilotlarida sertifikatsiyadan o‘tgan.
Ammo Galaxy X birato‘la buklanuvchi displeyga ega bo‘ladimi, yoki Samsung bu gadjetini ikkita ekranli qiladimi – bunisi hozircha noma’lum. Mazkur devays 2018 yilning boshida taqdim etilishi kutilmoqda.
O‘QING: Samsung Galaxy X: qo‘sh ekranli buklama smartfon yaqinda taqdim etiladi