Asus Skylake процессорли X ва N сериядаги ноутбуклар чиқаради
Душанба куни Asus компанияси анонсида Intelнинг 6-авлод процессорлари (шартли номланиши Skylake) ўрнатилган ноутбуклар ишлаб чиқаришини эълон қилди. N сериясининг моделлари 15,6 дюймли N552 ва 17,3 дюймли N752 ноутбукларидир. Иккала лэптоп корпуси ҳам алюминийдан бўлиб, 4 ядроли Intel Core i7 процессорларига эга. Видеокартаси Nvidia GeForce GTX 960M.
X серия эса ўз ичига X456, X556 ва X756 моделларини олади. Уларнинг диагонали мос ҳолда 14, 15,6 ва 17,3 дюймли бўлиб, Full HD экран сиғимли ва ASUS Splendid технологияли. Тезкор хотираси 8 Гб, қаттиқ диски 2 Тбгача бўлади.
Asus Тайванда жойлашган компания бўлиб, компьютер техникаси ва эҳтиёт қисмлари, коммуникацион жиҳозлар ишлаб чиқаришга ихтисослашган. Компанияга 1989 йилда асос солинган. Шахсий компьютер ишлаб чиқарувчи жаҳондаги энг йирик бешта компаниянинг бири (2012 йил учинчи квартал ҳолатига кўра). Asus маркаси номи Pegasus сўзидан олинган.
