Бу смартфон 21-қаватдан тушиб кетгач ҳам ишлайверди!
Интернетда турли қурилмаларнинг дроп-тестларини истаганча топиш мумкин – уларнинг мустаҳкамлигини синаб кўриб, видеоларини жойлаштиришган. Хўш, амалда, реал ҳаётий шароитларда улар ҳақиқий синовларга чиндан ҳам дош бера оладими?
ЎҚИНГ: Cамолётдан тушиб кетган iPhone'га нима бўлди?
Куни кеча Хитойда нақ 21-қаватдан тушиб кетган Huawei P20 суратлари тарқалди. Расмларни тарқатган Маи Жениу сўзларига кўра, у кўп қаватли уйнинг 21-қаватида жойлашган ўз квартираси балконида смартфонда ниманидир кўраётган бўлган. Тасодифан телефон унинг қўлидан сирғалиб, пастга тушиб кетган – деярли 50 метрлик баландликдан!
Жениу пастга тушиб, смартфонини излаб топар экан, табиийки, ундан умидини узиб бўлганди. Чиндан ҳам, Huawei P20 корпуси қийшайган, экран кўчган ва чатнаган, орқа қопқоғи эса чатнашлардан оқариб кетган экан.
Лекин энг қизиғи шундаки, бу смартфон шу ҳолида ҳам ишлашда давом этарди! Тўғри, уни энди аввалги ҳолига қайтариб бўлмаслиги аниқ, аммо корпуси ва дисплейини алмаштириб, яна ишлатса бўлади.
ЎҚИНГ: Сенсация: LG G6 бир сутка муз ичида «жон сақлади»!
Юқоридаги воқеадан хабар топган Huawei компанияси Маи Жениуга бепул таъмирлаш хизматини таклиф қилган, аммо бунча шов-шувдан кейин у бу смартфон ўрнига яп-янги Huawei P20 берса керак.
Дарвоқе, айни шу Huawei P20 моделининг 128 гигабайтли ички хотирага эга вариантини мана бу ҳавола орқали Terashop.uz интернет-дўконимиздан 4 799 000 сўмга, бир йиллик расмий кафолат билан олишингиз мумкин. Бунда уйдан ёки офисдан чиқмасдан туриб онлайн буюртма беришингиз, ўзингизга қулай тўлов усулидан фойдаланишингиз, харидингиз бепул етказиб берилиши, ҳатто пулини товар қўлингизга етиб борганидан сўнг тўлашингиз каби қулайликлар мавжуд!
ЎҚИНГ: Бу смартфон кўл тубида 2 ҳафта ётганидан сўнг ҳам ишлайверди!
