Galaxy A71 смартфони ҳам Geekbench’да кучини кўрсатди: Android 10 ва 8 ГБ «оперативка»!

Samsung компаниясининг Galaxy A71 ҳамда Galaxy A91 моделлари ушбу туркумнинг қадоқданоқ Android 10 операцион тизимига эга илк вакиллари бўлади. Ҳали тақдим этилмаган бўлса-да, аввалроқ булардан биринчисининг «жонли» видеоси ҳам чиққан.

ЎҚИНГ: Ҳали тақдим қилинмаган Samsung Galaxy A71'ни қутисидан очиб, ишлатиб кўришди!

Энди эса худди шу Samsung Galaxy A71 смартфони оммабоп Geekbench сервисида текшириб кўрилганлиги маълум бўлди. Бенчмарк маълумотларига кўра, унинг тезкор хотираси 8 гигабайтлик бўлиб, Android 10 операцион тизим талқини билан чиқарилади. Қурилманинг процессори сифатида SM6150 кўрсатилган, бу эса Snapdragon 675 ёки Snapdragon 730 чипсети бўлиши мумкин.

Geekbench сервисида имтиҳон топширганида, Galaxy A71 якка ядроли синовда 2540, кўп ядроли текширувда эса 7081 баллик натижа кўрсатган:

Айтиш керакки, Galaxy A71 моделини Samsung ҳали келаси йил баҳорда – Galaxy S11 флагмани тақдимотидан кейин намойиш этишни мўлжалламоқда. Аллақачон бозорга чиқарилган турли русумлардаги Samsung телефонларини эса атиги 705 000 сўмдан бошланувчи нархлар эвазига Terashop.uz онлайн дўконимиздан харид қилиш имкони бор.

ЎҚИНГ: Samsung’нинг иккита – «лочинкўз салкам флагман» ва улкан батареяли ҳамёнбоп смартфони тайёр!