Ҳали тақдим этилмаган Microsoft Surface Pro 6 планшетини «жонли» видеотавсифда кўрамиз!
Microsoft компанияси ўтган йили Surface Pro номли гибрид планшетини тақдим этган, унда қурилманинг авлод рақами бўлмаган эди. Келаси ҳафтада унинг навбатдаги авлоди чиқади; компания уни номлашда анъанавий рақамлашга қайтган.
ЎҚИНГ: Microsoft iPad Pro’дан 1,7 марта тезкор Surface Pro’ни тақдим қилди
Microsoft ҳали расман тақдим этишга улгурмаган Surface Pro 6 девайси аллақачон Вьетнамда «қўлга тушган». У бултурги «аждод»ига жуда ўхшаш, фақат корпусининг бурчаклари бироз силлиқлаштирилган, худди «ихчам» Surface Go моделидаги сингари.
Планшет аввалгидек ўлчамли – 12.3 дюймлик экранга эга, унинг тасвир аниқлиги эса 2736x1824 пиксени ташкил этади. Surface Pro 6 саккизинчи авлод Intel Core процессорлари базасида ишлайди. Айнан Вьетнамда аниқланган намунаси эса Core i5-8250U чипига, 8 гигабайтлик техкор хотирага ҳамда 128 гигабайтлик SSD-хотирага эга талқини экан.
Мана, қуйида уни «жонли» видеотавсифда кўриш мумкин:
Кўрганингиздек, тавсиф тай тилида бўлса-да, планшетнинг асосий техник хусусиятларини тасвирдан англаб олиш қийин эмас.
Қизиғи – Microsoft ўз планшетининг ҳатто 2018 йилги моделига ҳам замонавий USB Type-C портини ўрнатмаган! Унинг корпусида тўлиқ ўлчамли USB ҳамда Mini DisplayPort, кардридер, мини-джек ҳамда Surface Connect портлари мавжуд. Шулардан охиргисига Microsoft’нинг ўзи тақдим этган USB-C переходнигини улаш мумкин.
ЎҚИНГ: Huawei флагман планшетнинг арзонлаштирилган версиясини намойиш қилди
Машҳур инсайдер Роланд Квандт ўз Твиттери орқали хабар қилишича, Microsoft ушбу планшетни 2 октябрь куни Нью-Йорк шаҳрида тақдим этади:
About Microsoft's hardware event on Oct 2: expect Surface Pro 6 and Surface Laptop 2. At the same prices as before, with updated hardware. And likely nothing else.
— Roland Quandt (@rquandt) 26 сентября 2018 г.
Инсайдерларнинг ёзишларича, мазкур тадбирда Surface Pro 6 планшетидан ташқари, янгиланган Surface Laptop 2 ноутбуки ҳам намойиш этилади. Уларнинг нархлари эса аввалги авлод қурилмалари даражасида қолиши айтилаётир.
Дарвоқе, айрим моделлардаги планшетларни Terashop.uz интернет-дўконимизда онлайн тарзда харид қилишингиз мумкин.
ЎҚИНГ: Apple тарихидаги энг арзон iPad нега "идеал" планшет?