Samsung умуман кемтик ва тирқишларсиз, ромсиз экранли идеал смартфон тайёрлаяпти!
Жанубий кореялик техногигант ўзининг мобил қурилмалар йўналишидаги ишланмаларини давом этмоқда. Жумладан, у смартфонлар экранларини янги технологиялар билан бойитишга жиддий бел боғлаган.
Компания вице-президентларидан бирининг айтишича, Samsung ҳозир экранида бирорта ҳам тешик ёки ўйиқ қўлланмайдиган, идеал даражадаги смартфон чиқариш имконини берувчи технология устида ишламоқда.
Аввалроқ ушбу компания ўз смартфонларининг келажагини кемтикли экранларда, корпусдан чиқувчи олд камераларда кўрмаётганини баён этганди. Демак, идеал даражадаги ромсиз дисплейга эга телефон чиқариш учун Samsung селфи-камерани ва бошқа керакли датчикларни экраннинг ўзига татбиқ этишига тўғри келади. Афтидан, компания айнан шу йўналишда изланмоқда, фақат мазкур датчиклар экраннинг тагида қолиб кетади ва кўринмай туради.
Жанубий кореяликлар биринчи шунақа идеал смартфонни қачон тақдим этишлари ҳозирча номаълум. Аллақачон глобал бозорга чиққан аксарият Samsung телефонларини эса атиги 451 000 сўмдан бошланувчи нархлар эвазига Terashop.uz интернет-дўконимиздан харид қилиш имкони бор.