Snapdragon Dimensity'га икки карра енгилди
Master Lu бенчмарки 2022 йил учинчи чорагига кўра смартфонлар учун чипларнинг ишлаши бўйича рейтингни эълон қилди. Унда ушбу соҳадаги икки гигант компания: Qualcomm ва MediaTek чиплари ўзаро баҳс олиб борган. Уларнинг энг сўнгги ва энг кучли маҳсулотлари ҳозирда Snapdragon 8+ Gen 1 ва Dimensity 9000+ бўлиб, рейтингга кўра Dimensity бироз кичик фарқ билан Snapdragon'дан ўтиб кетган ва биринчиликни эгаллашга муваффақ бўлган. Бироқ, шуни ҳам айтиш керакки, Snapdragon 8+ Gen 1 графика борасида Dimensity'дан бироз устунликка эга чиққан.
Учинчи ва тўртинчи ўринлар эса юқоридаги икки моделларнинг оддий версияси, Dimensity 9000 ва Snapdragon 8 Gen 1 томонидан банд қилинган. Эътиборга молик яна бир нарса шуки, рўйхатда Snapdragon 870, ўзидан катта бўлган Snapdragon 888 дан ўтиб кетган.