ТераТавсиф: Samsung Galaxy A21s (3-қисм)
Samsung Galaxy A21s ўрта тоифа смартфонига бағишланган тавсифимизнинг ҳам қоқ ўртасига келдик. Ҳозирга қадар қурилманинг техник жиҳатлари ва қадоқ таркиби ҳамда дизайни ва қурилмавий сифатини кўриб чиқдик.
Тавсифимизнинг барча қисмлари билан бу ерда танишишингиз мумкин бўлади.
Қуйида смартфон дисплейи, аккумулятори, қувват олиш имконияти ва карнайи борасида ўтказилган лаборатория синовлари натижалари билан танишамиз.
Дисплей
Samsung Galaxy A21s каттагина — 6.5 дюймли PLS TFT экранига эга. Экран 720p+ резолюция ва 20:9 томонлар нисбатига эга. Юқори чап томонда селфи камера учун айланасимон тирқиш очилган. Экран четлари ҳозир урфда бўлган стилда, яъни ёйсимон қилиб ишланган.
Дисплейнинг аниқ резолюцияси 1,600х720 пиксел, яъни бир дюйм майдонда 270 та пиксел жойлашган. Бу унчалик ҳам тиниқ эмас. Аммо бюджет тоифа учун 720p резолюция маъқул келаверади ва рақиб моделларнинг кўпи ҳам айни шу резолюцияга эга.
Samsung LCD экран устидаги ҳимоя қопламини қайси компания ишлаб чиқарганини маълум қилмаган.
Баъзи ҳолларда, камера тирқиши атрофидаги экран ёруғлиги бир текис эмаслиги сезилади. Бу, айниқса, ёрқин фонда билинади, лекин, аслида, ушбу муаммо юзага келиши кутилган эди, чунки LCD панелнинг LED фон ёритилиши мукаммал эмас.
«Ручной» режимда экраннинг максимал ёруғлик даражаси 408, авто режимда эса 491 эканлиги қайд этилди. Бу LCD экран учун ўртача натижа ва бюджет модель учун қабул қилса арзийдиган кўрсаткич. Redmi 9 экрани, мисол учун, максимал ёруғликда ҳам бундан нурсиз.
Galaxy A21s экрани қора рангларни ҳам ўртача даражада кўрсатади. Панелнинг контраст нисбати яхши — 1300:1. Бундан ёмонроқ ва айни дамда яхшироқ натижалари ҳам кўрганмиз.
Минимал ёруғлик даражаси эса 4.8 нитни ташкил қилади. Бу тунда ўқиш учун яхши даража, аммо қойилмақом кўрсаткич эмас.
Дисплей синови | 100% ёруғлик | ||
Қора, кадета/м² | Оқ, кадета/м² | Контраст нисбати | |
Samsung Galaxy A21s | 0.317 | 408 | 1287:1 |
Samsung Galaxy A21s (макс. авто.) | 0.384 | 491 | 1279:1 |
Samsung Galaxy A31 | 0 | 423 | ∞ |
Samsung Galaxy A31 (макс. авто.) | 0 | 635 | ∞ |
Samsung Galaxy A41 | 0 | 417 | ∞ |
Samsung Galaxy A41 (макс. авто.) | 0 | 624 | ∞ |
Xiaomi Redmi 9 | 0.202 | 328 | 1624:1 |
Xiaomi Redmi 9 (макс. авто.) | 0.253 | 426 | 1684:1 |
Motorola G8 Power | 0.341 | 500 | 1466:1 |
Motorola G8 Power (макс. авто.) | 0.53 | 741 | 1398:1 |
Motorola One Fusion+ | 0.319 | 454 | 1423:1 |
Motorola One Fusion+ (макс. авто.) | 0.4 | 562 | 1405:1 |
Xiaomi Redmi Note 9S | 0.303 | 421 | 1389:1 |
Xiaomi Redmi Note 9S (макс. авто.) | 0.42 | 575 | 1369 |
Samsung Galaxy A21s смартфонида контраст ёки ранг опциялари мавжуд эмас. Экрандаги ранглар sRGB гаммаси доирасида кўрсатилади. Синовларда рангларнинг ўртача deltaE даражаси 6.8, максимал оғиш кўрсаткичи эса 10.5 эканлиги маълум бўлди. Оқ ва кулранг рангларда кўк тус мавжудлиги аниқ кўзга ташланади, қолган ранглар эса кучсиз. Тасвирлар ювилган бўлиб кўринади.
Автономлик ва зарядлаш
Samsung Galaxy A21s'ни 5,000 мА/соат сиғимга эга Li-Po аккумулятори қувват билан таъминлаб туради. Аккумулятор 15 ваттда тезкор зарядлана олади. Қадоқ таркибида ҳам 15 ваттлик қувватлагич бор. Аммо бу тезкор қувватлаш хусусияти реал шароитларда ростдан ҳам тезкор эмас. 30 дақиқада смартфон атиги 26% заряд йиғади.
Автономлик синовимизда қаҳрамонимиз 119 соатлик қойилмақом натижа қайд этди. Смартфонда овозли қўнғироқ, видео томошаси ва веб-браузинг амалиётлари билан қувват анчага етади.
Карнай
Galaxy A21s'га битта карнай қўйилган ва у қурилма қуйисида жойлашган. Карнай ўрта тонлар ва бассларни яхши чиқаради. Еттита мусиқа билан ўтказилган овоз баландлиги тестимизда смартфон калонкаси Ўртача натижани кўрсатди. Ўйин ўйнайсизми, мусиқа тинглайсизми ёки видео томоша қиласизми — буларнинг ҳаммасида карнай баландлиги юқори даражада бўлмайди.
Хулоса
8балл
Қаердан сотиб олиш мумкин?
Asaxiy (32GB) | 1 943 000 сўм | Сотиб олиш |
Olcha (32GB) | 1 948 000 сўм | Сотиб олиш |
Radius (32GB) | 1 999 000 сўм | Сотиб олиш |
Openshop (32GB) | 2 040 000 сўм | Сотиб олиш |
Афзаллиги
- Kichik tirqishli katta va keng ekran
- Aʼlo darajadagi akkumulyator avtonomligi
- Eng soʻnggi Android va One UI
- Toifasi uchun yuqori darajadagi tasvir va video sifati
- NFC
Камчилиги
- Protsessor samaradorligi inadekvat
- Ekrandagi ranglar tiniq emas
- Selfilar sifati talab darajasida emas
- Biroz sekin quvvat oladi