Twitter террорчилар билан боғланган аккаунтларни блокламоқда
Ижтимоий тармоқлар ва мессенерларнинг ривожлангани яхши, албатта, аммо улардан ғараз ниятларда ҳам фойдаланиш мумкин-да. Масалан, аввалроқ Ўзбекистонда экстремистик ва террористик профиль, канал ва саҳифалар рўйхати расман эълон қилинган эди.
ЎҚИНГ: Террористлар қайси мессенжерлардан кўп фойдаланиши айтилди
Twitter микроблоглар ижтимоий тармоғи ҳам АҚШ ҳукумати томонидан террорчилик ташкилоти деб топилган «Хамас» ва «Ҳизбуллоҳ» билан боғлиқ бўлган бир нечта аккаунтларни ёпиб қўйди.
Ушбу аккаунтлар ўтган ҳафтанинг жума куни – 1 ноябрдаёқ аниқланган ва уларни ўчиришни сўраб ва тармоқ маъмуриятига кўп мурожатлар тушган. Адвокатлар Жош Готтхеймер, Том Рид, Макс Роуз ва Брайан Фитцпатрик эса бундай профилларнинг фаолиятига йўл очиб бергани учун компанияни танқид қилиб чиқишган. Ниҳоят, кеча – 5 ноябрь куни Twitter ушбу аккаунтларни блоклаб ташлаган.
Ўчирилганлар рўйхатида «Хамас»нинг инглиз ва араб тилларидаги аккаунтлари, шунингдек, «Ҳизбуллоҳ» бошқаруви остидаги «Ал-Манара» телевизион станцияси билан боғлиқ бир неча аккаунтлар бўлган.
