Xiaomi чемодан харидида Mi 10 Pro, кондиционер, кир ювиш машинаси ва бошқа гаджетлар қўшиб беряпти!
«Хитойча Apple» ўз юртида навбатдаги маркетинг кампаниясини бошлади. Ҳар йили ўтказиладиган «618-чегирма» номли акция доирасида кўп маҳсулотлар ўзининг минимал нархида сотилади.
ЎҚИНГ: Xiaomi ва Redmi смартфонларини 31 майгача янада арзон олишингиз мумкин!
Xiaomi эълон қилишича, компаниянинг исталган бир моделдаги чемоданини харид қилганлар унинг ичидаги сюрприз – компаниянинг кутилмаган яна битта девайсини ҳам ҳадя сифатида оладилар. Бу эса флагман – Xiaomi Mi 10 Pro смартфони, Mijia дазмоли, экрнли ақлли колонка, фен, термос ёки бошқа бирор гаджет бўлиши мумкин. Шунингдек, ўлчами чемоданнинг ўзидан катта сюрпризлар ҳам қўйилган – улар орасида кондиционер ва кир ювиш машинасигача бор; уларни харидорнинг яшаш манзилига Xiaomi’нинг ўзи етказиб беради.
Ушбу акция 1 июндан 20 июнгача Tmall дўконларида, Xiaomi’нинг оддий дўконлари ҳамда Xiaomi Mall интернет-магазинида амал қилади. Айтиш керакки, айни дамда компания Хитойда ўндан ортиқ турдаги чемоданларни сотувга чиқарган, уларнинг нархи эса 28 доллардан 140 долларгача боради. Масалан, Xiaomi 90 Points Smart Suitcase модели қулфи эгасининг бармоқ изини сканерлаш орқали очилади.
ЎҚИНГ: Тақдимотлар тўлқини: Xiaomi бирданига нақ 20 та маҳсулот намойиш этди!
