10 дақиқа қувватланиб, 8 соат ишловчи симсиз қулоқчин чиқди

  •   DiMaX
  •  452
  •  05.05.2021 16:04

10 дақиқа қувватланиб, 8 соат ишловчи симсиз қулоқчин чиқди

Oppo компанияси 6 май кунига режалаштирилган тақдимоти доирасида янги смартфонлар, К9 сериясига кирувчи телевизорлар, шунингдек, Enco Air симсиз қулоқчинини тақдим этади. Бу тўғрида Daryo нашри хабар бермоқда.

ЎҚИНГ: «Фикрларни ўқишга» қодир қулоқчин яратилди

Маълум қилинишича, ушбу мустақил модель тезкор қувватланиш технологиясига эга бўлади – 10 дақиқа давомида электр тармоғига уланган наушник ёрдамида 8 соат мусиқа тинглаш мумкин.

Шунингдек, мазкур гаджет Bluetooth 5.2 интерфейсини қўллаб-қувватлаши айтилмоқда, аммо фаол шовқин сўндиргичлари бўлиш-бўлмаслиги ҳозирча номаълум. Дизайн борасида Enco Air ўзига хосликка эга эмас, қувватлантириш футляри анъанавий кўринишда ишланган.

Наушник бир неча хил рангда тақдим этилади — классик оқ ва қорадан ташқари, комбинацияланган ранглар ҳам бўлади.

ЎҚИНГ: Атиги 10 доллардан «Хитойча AirPods Max» сотувга чиқди

Сайт янгиликларидан доимий хабардор бўлиш учун Телеграм каналимизга қўшилинг!