105 долларлик Redmi 7 намойиш кунини Xiaomi вице-президенти расман тасдиқлади

Weibo ижтимоий тармоғига кеча Redmi 7 смартфонининг тақдимот кунини акс эттирувчи постер чиқди. Уни Xiaomi корпорациясининг вице-президенти ҳамда Redmi брендининг раҳбари Лу Вейбинг (Lu Weibing) эълон қилган.

ЎҚИНГ: Redmi 7’ни тақдимотидан аввал Redmi Note 7 билан «жонли» видеода таққослаб кўрсатишди!

Аввалроқ ушбу моделнинг 18 март куни тақдим этилиши ҳақида миш-мишлар тарқалган эди. Энди эса компания бу гаджетнинг шу санада тақдим қилинишини расман тасдиқлади.

Xiaomi раҳбари аввалроқ Weibo фойдаланувчилари билан ёзишмаларида ушбу смартфоннинг нархини ҳам айтган эди.

ЎҚИНГ: Xiaomi раҳбари ҳамёнбоп Redmi 7 нархи ва жиҳатларини маълум қилди

Redmi 7 ташқи кўриниши жиҳатидан Redmi Note 7 моделига ўхшаб кетади, аммо фарқлари ҳам мавжуд. Унинг 6,26 дюймлик экрани томонлари ўзаро 19:9 нисбатида, тасвир аниқлиги эса 1520х720 пикселга тенг. Смартфон саккиз ядроли процессор, 4 ГБгача тезкор ва 64 ГБ доимий хотирага эга бўлади. Қўшалоқ бош камераси 12 ва 8 мегапикселлик, олд камера эса 8 мегапикселлик датчикларга эга. Аккумулятори ҳам нархига нисбатан жуда яхши – нақ 4000 мА/соатлик бўлишини айтишмоқда.

Айтиб ўтиш керакки, хитойча Redmi Note 7 моделини Ўзбекистонда ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.

ЎҚИНГ: Xiaomi смартфонлари энди қимматлайди – буни шахсан компания бош директори айтди!