АҚШ махсус хизматлари: «Apple қотилларга ёрдам беряпти!»

Купертинолик гигант ўзининг мобил қурилмаларида хавфсизликка кучли эътибор беришини биламиз. Аммо айни шу жиҳат – гаджетнинг кучли ҳимояланганлиги айрим ҳолларда жамият зарарига ишлаши ҳам мумкин.

ЎҚИНГ: ФҚБ террорчининг iPhone тизимини бузишга қанча сарфлагани айтилди

Жумладан, АҚШ Федерал қидирув бюроси (ФҚБ – ФБР) ҳам, жиноятчилар ва гумондорларнинг iPhone’ларини қулфдан чиқариб бермаётгани учун Apple’га таъна қилиб келади. Бу билан мазкур идора «олмали» компанияни қотилларга ҳамкорлик қилишда ҳам айбламоқда.

Жумладан, ФҚБнинг кибержиноятлар бўлинмаси раҳбари Аристидес Махайрас куни кеча Apple’ни шундай айблаган. У қотилликда гумон қилинаётганларнинг смартфонларини блокировкадан чиқаришга Apple рухсат бермаётганидан афсусда эканини айтган. Махайраснинг сўзларига кўра, ҳар бир гаджет ортида камида биттадан қурбон турган бўлиши мумкин, бу қотилликларни очишга эса корпорация халақит бермоқда.

Айтиш керакки, купертинолик гигантнинг смартфонлари ҳимоясини буза олганини даъво қилувчилар ҳам мавжуд. Улар ушбу хизматни катта ҳақ эвазига тақдим этишларини айтишган.

ЎҚИНГ: Apple собиқ муҳандислари iPhone ҳимоясини бузувчи гаджет тақдим этишди!