Арзон ва тезкор Redmi Note 7 Pro намойиш қилинди, техник жиҳат ва нархлари билан танишинг!
Кутилганидек, Xiaomi компанияси бугун – 28 февралда Redmi Note 7 Pro смартфонини расман тақдим этди. Компания уни «тарихдаги энг тезкор Redmi Note» дея таърифламоқда.
ЎҚИНГ: Xiaomi’нинг янги рекорди: Redmi Note 7 битта кўрсаткич бўйича барча iPhone’лардан ошиб кетди!
Тақдимот маросимида янги моделнинг AnTuTu натижаси ҳам эълон қилинди – смартфон бу бенчмаркда 180 000 баллдан ошиқ натижа кўрсатган.
Унинг бунчалик юқори (камида Redmi Note туркуми доирасида) самарадорлигини эса Qualcomm компаниясининг янги Snapdragon 675 процессори таъминлаган.
Redmi Note 7 экрани диагоналига 6,3 дюймлик, тасвир аниқлиги 2340х1080 пикселлик. Унинг юзасига Gorilla Glass 5 ҳимоя шишаси ётқизилган ва корпуснинг орқа панели ҳам шу материалдан ишланган.
ЎҚИНГ: Redmi Note 7 чиндан ҳам «ёнғоқчақар»ми? JerryRigEverything «жонли» видеотестини томоша қиламиз!
«Ёнғоқчақар» Redmi Note 7 каби, янги – Redmi Note 7 Pro смартфонида ҳам қўш камера қўлланган, аммо унинг асосий модули Samsung маҳсулоти эмас, балки Sony IMX586 датчигидир. Бу камера тасвирларни фақат электрон барқарорлаштириш тизимигагина эга ва 4К видео ёзиб олишга қодир. Redmi Note 7 Pro селфи фанатларига ҳам маъқул келади – унинг 13 мегапикселлик олд камера LED-чақноққа эга.
Xiaomi ушбу моделида бармоқ изи сканерини дисплейга жойлаётгани ҳақидаги хабарлар бекор экан – ушбу датчик Redmi Note 7 Pro орқа панелига жойланган. Бироқ гаджет замонавий USB-C портидан ташқари анъанавий қулоқчин тирқиши ва инфрақизил порти билан ҳам таъминланган. Унга қадоқданоқ Android 9.0 Pie операцион тизими базасидаги MIUI 10 интерфейси ўрнатилган.
Redmi Note 7 Pro аккумулятори 4000 мА/соатлик бўлиб, Quick Charge 4 технологияси асосида тезкор қувватлана олади. Бу смартфон қора, қизил ва мовий рангли корпусларда таклиф этилади.
Xiaomi бу маҳсулотининг Ҳиндистондаги савдосини 6 март куни, маҳаллий вақт билан соат 12:00 да бошлайди. Унинг бошланғич – 4/64 гигабайтлик хотирага эга талқини атиги 197 долларга нархланган. 240 долларлик версияси эса 6 ГБ тезкор ва 128 ГБ доимий хотирага эга.
Компаниянинг бундан олдинги – Redmi Note 7 моделини Ўзбекистонда ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.
