Атиги 93 долларлик Redmi 8A Pro намойиш этилди («жонли» видео)
Xiaomi корпорациясининг арзончи бренди Индонезияда ўзининг Redmi 8A Pro смартфонини тақдим қилди. Аслида у февралда намойиш этилган ўта арзон Redmi 8A Dual моделининг ушбу мамлакат бозорига мўлжаллаб қайта номланган кўринишидир.
ЎҚИНГ: Xiaomi ва Redmi смартфонларини 33 фоизгача чегирма билан олиш мумкин!
Redmi 8A Pro хусусиятлари ўша-ўша: Snapdragon 439 процессори, 13 + 2 МПлик бош камера, 8 МПлик олд камера. Экрани диагоналига 6,22 дюймлик, тасвир аниқлиги 1520х720 пикселлик бўлиб, Gorilla Glass 5 шишаси билан ҳимояланган. 5000 мА/соатлик аккумулятори USB-C порти орқали 18 ваттлик тезкор қувват олади. Корпусида яна қулоқчин учун стандарт 3.5 миллиметрлик аудиотирқиш ҳам мавжуд.
Смартфонга бир вақтнинг ўзида иккита SIM-картадан ташқари microSD хотира картаси қўйиш мумкин. Қуйида Redmi 8A Pro қадоғини очиб, ишлатиб кўрсатилган «жонли» видеони томоша қиламиз:
Redmi 8A Pro бошланғич конфигурацияда – 2/16 гигабайтлик тезкор/ички хотирали вариантда 93 долларга баҳоланмоқда. Тезкор ва доимий хотираси тегишлича 3 ва 32 гигабайтлиги ҳам қиммат эмас – 99 доллар.
ЎҚИНГ: Xiaomi рекордчи смартфонини арзонлаштириб, бештасининг прошивкасини янгилаяпти!