Энг арзон Xiaomi смартфони – Redmi 7A ҳам жаҳон бозорига чиқяпти, лекин нархи...
«Хитойча Apple» яқинда Redmi брендига мансуб Redmi K20 ҳамда Redmi K20 Pro флагманларини тақдим этганди. Ушбу тадбирда у ўз смартфонларининг энг арзони бўлган Redmi 7A нархини ҳам маълум қилганди.
ЎҚИНГ: Redmi'нинг навбатдаги смартфони сизга ёқиши тайин!
Winfuture нашрининг ёзишича, Redmi 7A модели энди Европа бозорига ҳам чиқарилар экан. Ушбу қитъанинг бир неча мамлакатида мазкур смартфоннинг савдоси шу ҳафтадаёқ, аниқроғи – 21 июндан бошланади.
Redmi 7A смартфонининг барча хусусиятлари билан мана бу мақоламизда танишиш мумкин. Нархига келсак, Европа бозорида унинг энг кичик – 2/16 гигабайтлик хотирага эга варианти учун 100 евро сўрашади. Таққослаш учун айтадиган бўлсак, айни шундай талқини Хитойнинг ўзида 80 доллар (тахминан 72 евро) эвазига сотилмоқда.
Terashop.uz интернет-дўконимизда эса турли русумлардаги Xiaomi телефонларини атиги 590 000 сўмдан бошланувчи нархларда сотиб олиш мумкин. Улардан аксариятининг нархлари анча пасайтирилган, шунингдек, айримларини энди пул ўтказиш (перечисление) йўли билан ҳам олишингиз мумкин!
