Galaxy Z Flip ҳамда Galaxy S20’лар ҳақида қизиқ хабар: Samsung’дан буни ҳеч ким кутмаган эди! (+видео)
11 февраль куни Samsung ўзининг навбатдаги Galaxy Unpacked тадбирида янги – Galaxy S20 флагманлар оиласини ҳамда Galaxy Z Flip букламафонини тақдим қилади. Куни кеча чиққан хабарга кўра, айни ўша тадбирнинг ўзида Google ҳам бир сюрпризини намойиш этмоқчи.
ЎҚИНГ: Galaxy S20’ларнинг аниқ нархларини Samsung ходими айтди – кутилганидан ҳам қиммат экан!
Android Central нашрининг бош муҳаррири Эндрю Мартоник (Andrew Martonik) эса ушбу сюрпризнинг сирини аллақачон аниқлаганини маълум қилди. Унинг ўз манбаларига таяниб ёзишича, Samsung’нинг янги смартфонлари бирор график қобиқсиз, тоза Android операцион тизими билан чиқарилади!
Google reveals the next Samsung phone will run Android https://t.co/ZaW49eQ2RQ
— Andrew Martonik (@andrewmartonik) February 7, 2020
Айтиш керакки, Samsung смартфонлари узоқ вақт Samsung Experience график қобиғи бошқаруви остида ишлаб келарди. Бундан бир йилча аввал компания унинг ўрнига янги – One UI қобиғини тақдим этган; 2019 йилнинг кузида эса унинг янгиланган One UI 2.0 версияси тақдим этилган эди.
Samsung ўз график қобиғини ишлаб чиқишда давом этишдан воз кечгани ғалати туюлади, аммо ҳозирча бу норасмий хбар эканини ҳам ёдда тутишимиз лозим. Воқеалар ривожини Terabayt.uz билан бирга кузатишда давом этинг.
ЎҚИНГ: Galaxy S20 Ultra 5G ҳамда Galaxy Z Flip илк расмий суратлар ва «жонли» видеода!
