Honor Magic 2 «жонли» видео суратларда: худди Huawei P20 Pro каби, фақат слайдерли флагман!
Huawei компанияси Honor юренди остида Magic 2 русумли слайдер смартфонини тайёрлаганидан хабарингиз бор. Шунингдек, хитойлик техногигант электромобиль ишлаб чиқарувчи Tesla компанияси билан биргаликда мазкур флагманнинг махсус версиясини ҳам тақдим этади.
ЎҚИНГ: Янги Honor флагмани Tesla билан ҳамкорликда чиқмоқда
Шу кунгача Honor Magic 2 ҳақида маълумотлар кам эди, энди бирданига унинг «жонли» расмлари ҳам, видеоси ҳам интернетга чиқди. Мана, қуйидаги лавҳада слайдернинг ишлаш механизмини томоша қиламиз:
Афсуски, бу видеолавҳада қурилманинг кўп жиҳатларини пайқаш имкони йўқ. Аммо мана бу «жонли» суратларда Honor Magic 2 орқа панелини бемалол кўрамиз – унинг уч модулли бош камераси худди Huawei P20 Pro флагманидаги каби жойлашган:
Мазкур флагман дисплейда жойлашган бармоқ изи сканерига, «сунъий онг» функцияли илғор HiSilicon Kirin 980 процессорига, уч модулли камерага ва 40 ваттлик тезкор қувватлаш технологиясига эга.
ЎҚИНГ: Huawei баёнот беради: унинг Kirin 980 чипи Apple A12 Bionic чипидан кучли
Honor Magic 2 моделининг корпуси ранглари ҳам Huawei’нинг сўнгги флагманларидаги сингари градиентли тусда бўлади. Суратда унинг градиентли қора ва кўк корпусга эга намуналари кўрсатилган.
Ушбу смартфон тақдимоти 31 октябрга белгиланган бўлиб, ўша куни мазкур бренднинг яна бир «ақлли» гаджети ҳам намойиш этилади.
ЎҚИНГ: Honor флагман смартфони билан бирга «ақлли» соат ҳам тайёрлабди!
Дарвоқе, Huawei’нинг айрим русумлардаги смартфонларини, шунингдек, айрим ишлаб чиқарувчиларнинг турли русумлардаги «ақлли» соатлари ва смарт-билагузукларини бизнинг Terashop.uz интернет-дўконимизда онлайн тарзда харид қилиш имкони мавжуд.
