Huawei “кемтик” билан курашишнинг янги йўлини ўйлаб топди
Яқиндагина Xiaomi ғайриоддий кўринишдаги “анти-кемтик”ли смартфонни патентлаган эди. Huawei компанияси эса ушбу “муаммо”нинг янада қизиқарлироқ ечимини ўйлаб топди. Хитойлик техногигант дизайнерлари камерани корпус ичидан чиқувчи механизмга ёки экрандаги кемтикка жойламасдан ҳам хошиялар ингичкалигини сақлаб қолиш имкониятини берувчи ечимни ўйлаб топишди.
Янги патентда ноодатий кўринишда яратилган смартфон сурати келтириб ўтилган. Унинг юқори ромлари айлана кўринишида бўлиб, унинг энг кенг жойида олд камера, сўзлашув динамиги ва датчиклар жойлашган. Қолган учта ром эса ўзаро тенг ва минимал даражада ингичка. Ушбу ечим селфи-камерани олд панелда сақлаб қолган ҳолда ҳеч қандай кемтиклар ва тирқишлардан фойдаланмаслик имконини беради.
Компания ушбу янгиликни ўрта синфдаги смартфонларида қўллайди. Ҳудди Samsung каби Huawei ҳам охирги вақтларда янги технологияларни флагман бўлмаган смартфонларида синаб кўрмоқда. Масалан, компаниянинг биринчи экрани тирқишли смартфони nova 4, корпус ичидан чиқувчи камералик илк смартфони эса P Smart Z бўлганди.
Аллақачон бозорга чиққан айрим русумлардаги Huawei телефонларини эса 860 000 сўмдан бошланувчи нархларда Terashop.uz интернет-дўконимиздан харид қилиш имкони бор.
