«Жонли» сурат: Galaxy S10 экранидаги «тирқиш» Galaxy A8s’никидан кичкинароқ экан!
Samsung компанияси 10 декабрь куни ўзининг «тешик» экранли илк смартфони – Galaxy A8s моделини тақдим этганди. Айни шундай технология унинг навбатдаги флагманига ҳам жорий этилаётганини «жонли» расмда ҳам кўргандик.
ЎҚИНГ: «Жонли» Galaxy S10 жамоат жойида «қўлга тушди»!
Айтиш керакки, Galaxy A8s дисплейидаги «тешик» диаметри 6,7 миллиметрга тенг. Galaxy S10 моделида эса бу кўрсаткич 2–3 миллиметрга кичкинароқ бўлиши ҳақида аввалги хабарларимизда ҳам ёзгандик.
Энди эса таниқли инсайдер Ice universe бунинг исботини ҳам кўрсатди. Яъни, у мазкур флагман экрани учун тайёрланган ҳимоя шишасининг «жонли» суратини эълон қилди:
Жанубий кореялик техногигант Galaxy S10 туркумидаги смартфонларини тақдим этиш ва бозорга чиқариш вақтларини, ҳатто аниқ нархларигача эълон қилганмиз. Ҳозиргача бозорга чиққан Samsung смартфонларини эса Terashop.uz интернет-дўконимиздан 861 000 сўмдан бошланувчи нархларда онлайн усулда сотиб олиш мумкин.
