«Жонли» видео: Oppo ҳам селфи-камераси дисплей остига яширилган смартфон тайёрлади!
Боягина биз янги технология қўлланган – олд камераси дисплей остига яширилган Xiaomi смартфонининг «жонли» видеосини эълон қилган эдик. Унда ҳақиқатан ишлашини кўрсатиш учун янгича камерани Xiaomi Mi 9 (сотиб олиш) смартфонига ўрнатишган.
ЎҚИНГ: Xiaomi олд камераси экран остига яширилган дунёдаги илк смартфонни «жонли» видеода ишлатиб кўрсатди!
Бу орада яна бир сермаҳсул смартфонсоз – Oppo компанияси ҳам шундай технологияни ишлаб чиққанини эълон қилиб, «жонли» видеосини тарқатди. Унинг ишлаш технологияси Xiaomi’ники билан бир хил, аммо Oppo бундай камерани аллақачон тайёрланаётган янги смартфон прототипида намойиш қилган!
Ушбу видеолавҳани таниқли инсайдер Ишан Агарвал (Ishan Agarwal) ўзининг Twitter-аккаунтида эълон қилган:
I have been busy but this worth making a tweet about! Here's an official look OPPO's Under Display Camera prototype posted by their Head on Weibo. Just amazed by how Chinese companies are ahead in terms of technology. Hoping to see some phones with this tech in the near future. pic.twitter.com/4zoDrn5YEz
— Ishan Agarwal (@ishanagarwal24) 3 июня 2019 г.
Гувоҳи бўлаётганингиздек, камера ишламаётган пайти экранда уни умуман пайқашнинг имкони йўқ. Лекин тегишли илова ишга туширилиши билан дисплейда ўша жойи қорайиб, селфи-камера оддий режимда ўз ишини бажаради.
Энди мана шу прототипни тайёр смартфон сифатида оммавий ишлаб чиқаришга жорий этиш ва тақдим қилиш қолди, холос. Кўрамиз, бу борада ким биринчи бўлар экан: Xiaomi’ми, Oppo’ми ёки бошқа бирортасими...
ЎҚИНГ: Oppo A9 тақдим қилинди: катта хотира ва йирик аккумулятор!
