«Jonli» video: Oppo ham selfi-kamerasi displey ostiga yashirilgan smartfon tayyorladi!
Boyagina biz yangi texnologiya qo‘llangan – old kamerasi displey ostiga yashirilgan Xiaomi smartfonining «jonli» videosini e’lon qilgan edik. Unda haqiqatan ishlashini ko‘rsatish uchun yangicha kamerani Xiaomi Mi 9 (sotib olish) smartfoniga o‘rnatishgan.
Bu orada yana bir sermahsul smartfonsoz – Oppo kompaniyasi ham shunday texnologiyani ishlab chiqqanini e’lon qilib, «jonli» videosini tarqatdi. Uning ishlash texnologiyasi Xiaomi’niki bilan bir xil, ammo Oppo bunday kamerani allaqachon tayyorlanayotgan yangi smartfon prototipida namoyish qilgan!
Ushbu videolavhani taniqli insayder Ishan Agarval (Ishan Agarwal) o‘zining Twitter-akkauntida e’lon qilgan:
I have been busy but this worth making a tweet about! Here's an official look OPPO's Under Display Camera prototype posted by their Head on Weibo. Just amazed by how Chinese companies are ahead in terms of technology. Hoping to see some phones with this tech in the near future. pic.twitter.com/4zoDrn5YEz
— Ishan Agarwal (@ishanagarwal24) 3 iyunya 2019 g.
Guvohi bo‘layotganingizdek, kamera ishlamayotgan payti ekranda uni umuman payqashning imkoni yo‘q. Lekin tegishli ilova ishga tushirilishi bilan displeyda o‘sha joyi qorayib, selfi-kamera oddiy rejimda o‘z ishini bajaradi.
Endi mana shu prototipni tayyor smartfon sifatida ommaviy ishlab chiqarishga joriy etish va taqdim qilish qoldi, xolos. Ko‘ramiz, bu borada kim birinchi bo‘lar ekan: Xiaomi’mi, Oppo’mi yoki boshqa birortasimi...
O‘QING: Oppo A9 taqdim qilindi: katta xotira va yirik akkumulyator!