Навбатдаги «жонли» сурат Galaxy A90 (ёки Galaxy A80) смартфонининг яна бир жиҳатини фош этди
Samsung компанияси 10 апрелда Galaxy A туркумидаги янги смартфонларини намойиш этмоқчи. Ушбу туркумдаги энг илғор смартфонни шу пайтгача Galaxy A90 деб келишаётганди, аммо кейинги хабарларга кўра, компания шу моделнинг ўзини Galaxy A80 деб номлаши ҳам мумкин.
ЎҚИНГ: Селфи-камераси корпус ичидан чиқувчи илк Samsung смартфони – Galaxy A90 суратларда!
Инсайдерлик маълумотларига ихтисослашган Slashleaks сайтида эса ушбу смартфон учун тайёрланган аккумуляторнинг «жонли» расмини эълон қилди. Жорий йилнинг 18 январида ишлаб чиқарилган ушбу батареянинг ток сиғими 3700 мА/соат экан:
Samsung Galaxy A80 модели ҳақида шу пайтгача бирорта ҳам маълумот йўқ бўлиб, бу ном фақат Galaxy A90 билан боғлиқ ҳолда тилга олинган – мазкур смартфон шундай аталиши ҳам мумкинлиги айтилган. Шунингдек, ушбу модел энг илғор Snapdragon 855 процессори базасида ишласа-да, Galaxy S10e’дан ҳам арзон бўлади, дейишмоқда.
