Sharp биринчи ўрама телевизорини «жонли» видеода кўрсатди!
Эсингизда бўлса, LG Electronics компанияси рулон шаклида ўраб қўйиладиган телевизор прототипини CES 2018 кўргазмасидаёқ кўрсатган эди. CES 2019 тадбирида эса у мазкур гаджетнинг тайёр ҳолдагисини – дунёдаги илк ўралувчи «ақлли» телевизорни тақдим қилган.
ЎҚИНГ: Apple, LG ва Sharp биргалашиб, Samsung’нинг «оёғига болта уришмоқчи»!
Шунингдек, японларнинг Sharp компанияси ҳам шунақа – бир нечта вариантдаги ўрама телевизорларини патентлаган. Булардан учтасида телевизорнинг дисплейи унинг асосидан юқорига чиқади:
Бунақа конструкцияли телевизорларни столга қўйиш, намойишлар учун кўтариб бориш қулай.
ЎҚИНГ: DIA 2019: энг зўр дисплейлар эълон қилинди
Sharp патентлаган ўрама телевизорнинг иккитасида эса телевизор асоси шипга маҳкамлаб қўйилади, дисплейи бўлса ундан пастга ёйилиб чиқади:
Мазкур конструкцияли телевизор кўринишидан проектордан тасвир туширишга мўлжалланган экранни эслатади.
ЎҚИНГ: «Жонли» видео: Sharp ҳам буклама смартфонини намойиш этди!
Sharp бу телевизорнинг тайёр намунасини 13-15 ноябрда ташкиллаштирилаётган Халқаро узатув жиҳозлари кўргазмасида расман тақдим этиши кутилмоқда. Компания аллақачон ушбу ўрама телевизорининг тайёр прототипини кўрсатувчи видеолавҳани эълон қилди:
Ушбу девайснинг умумжаҳон тақдимоти эса кейинги йил бошида бўлиб ўтадиган CES 2020 кўргазмасида бўлиб ўтишини айтишмоқда. Sharp унинг нархини ҳам ўшанда маълум қилса керак. Terashop.uz интернет-дўконимизда эса 1 155 000 сўмдан бошланувчи нархларда турли телевизорларни сотиб олиш имкони мавжуд.
ЎҚИНГ: Афсонавий смартфонсоз энди «ақлли» телевизор ҳам ишлаб чиқаради!