Telegram’нинг iOS-иловаси янгиланди – энди мулоқот янада қулай!

iPhone ва iPad’ларда фойдаланишга мўлжалланган Telegram клиенти 5.0.12 (559) талқинига қадар янгиланди. Унда «тишланган олмали» гаджетлар фойдаланувчилари учун бир қатор янги имкониятлар тақдим этилган.

ЎҚИНГ: Telegram’да матнларни турли форматларда ёзиш усуллари

Ушбу мессенжернинг янгиланган iOS-клиентида қуйидаги яхшилаш ва янги функциялар жорий этилган:

1. Энди иловани махфий чатда ҳаволани олдиндан кўриш (превью) учун сўров юбормайдиган қилиб созлаш мумкин.
2. Push-билдиришномалар иши яхшиланган.
3. Турли файллар билан ишлаш – уларни очиш ва жўнатишдаги камчиликлар тузатилган.
4. Медиа ва овозли файллар билан ишлаш яхшиланган.
5. Гуруҳдаги фойдаланувчиларни никнейми билан эслаш учун чиқарилувчи ойнача (плашка) яхшиланган.
6. Айрим ҳолларда iPhone X’ларда контекстли меню клавиатуранинг остига кириб кетиши учрар эди, шу тўғриланган.
7. Қурилма блокланган ҳолатида билдиришномалар билан ишлаш яхшиланган.
8. 3D touch ёрдамида чатни кўриш яхшиланган.
9. Бошқа майда тузатиш ва созлаш ишлари амалга оширилган.

Telegram’ни айфон ёки айпадингизга мана бу ҳавола орқали App Store дўконидан юклаб олишингиз ёки янгилашингиз мумкин.

ЎҚИНГ: Telegram асосчиси Павел Дуров яна WhatsApp ва Facebook’ни жиддий айблади