Windows 10 тизимини ўрнатилувчи ISO-файл сифатида Microsoft расмий сайтидан бепул кўчириб оламиз

  •   DiMaX
  •  2720
  •  02.05.2019 11:29

Windows 10 тизимини ўрнатилувчи ISO-файл сифатида Microsoft расмий сайтидан бепул кўчириб оламиз

Операцион тизимлар ва йирик дастурлар расмий компакт-дискларда одатда ISO-файл форматида тақдим этилади. Энг оммабоплардан ҳисобланган Windows тизимини айнан шу ҳолида юклаб олишнинг битта усули ҳақида аввал ҳам маълумот берганмиз.

ЎҚИНГ: Windows ISO-файлларини кўчириб олишнинг энг осон йўли

WIndows 10 операцион тизимининг ўрнатилувчи ISO-файлини Microsoft корпорациясининг расмий сайтидан ҳам кўчириб олса бўлади, аммо бунинг сирини ҳамма ҳам билавермайди. Гап шундаки, расмий сайтдан кўчириладиган мана бу саҳифага Windows тизимли компьютер ёки ноутбукдан кирсангиз, у ерда кўчириб олиш функцияси йўқ, фақат «Янгилаш» – «Обновить» тугмачаси мавжуд:

Бу ердан WIndows 10 тизимининг ISO-файлини юклаб олиш учун браузерингизнинг «user agent»ини, масалан, iPad тарзида ўзгартиришингиз керак бўлади. Яъни, шундан сўнг сайтлар сизни гўёки айпаддан кираётгандек кўради.

ЎҚИНГ: Ўзбекистон давлат идоралари сайтларида порнографик маълумотлар борлиги аниқланди

Оммабоп Google Chrome браузери орқали сайтларга шундай кириш учун «Shift+Ctrl+J» тугмачалар комбинациясини қўллайсиз. Шунда очиқ саҳифанинг ўнг томонида қўшимча панел, тепасида эса саҳифанинг қай тарзда акс эттирилишини созлаш белгичалари пайдо бўлади. Ўша юқоридаги «Responsive» ёзуви устига босиб, пастга очилган рўйхатдан «iPad»ни танлайсиз, унинг ёнидан эса масштабни 100% қилиб қўясиз. Ана энди бояги саҳифага кирсангиз, ISO-файлни юклаб олиш имкони пайдо бўлганини кўрасиз:

Шу жойдан Windows’нинг айнан қайси версиясини кўчириб олмоқчи эканингизни танлаб тасдиқлайсиз, кейин ISO-файл тилини, сўнг эса 32 ёки 64 разрядли талқинини олмоқчи эканингизни танлаб тасдиқласангиз бас. Кўчириш ўз-ўзидан бошланади, фақат бу ҳавола 24 соат ичидагина амал қилади. ISO-файлни компьютерингизга сақлаб оласиз, кейин уни компакт-дискка кўчириб, бошқа компьютер ва ноутбукларга ўрнатаверасиз!

ЎҚИНГ: «Файл слишком велик»: агар файл флешкага кўчмаса нима қиламиз?

Сайт янгиликларидан доимий хабардор бўлиш учун Телеграм каналимизга қўшилинг!