Xiaomi дунё бозорига чиқадиган Mi 8 Pro’ни қадоғидан олиб кўрсатди
Хабарингиз борки, Xiaomi компанияси яқиндагина ўзининг Mi 8 Lite (Youth Edition) ҳамда Mi 8 Pro (Screen Fingerprint Edition) смартфонларини тақдим этганди. Булардан биринчиси маҳаллий бозорга 25 сентябрдан чиқарилади, иккинчисининг савдолари эса 21 сентябрдан бошланган.
ЎҚИНГ: iPhone Xs тақдимотидан кейиноқ Xiaomi унинг нақ уч баравар арзон клонини намойиш этди!
Mi 8 Pro (Screen Fingerprint Edition) ҳозирча фақат Хитой бозорига тақдим этилган, аммо тез орада уни жаҳон бозорига ҳам чиқаришмоқчи эканлиги маълум бўлди. Бу ҳақда Xiaomi ходими Донован Сунг (Donovan Sung) ўзининг Twitter-аккаунти орқали хабар берган.
#Mi8Pro unboxing shots. This gorgeous phone comes with in-display fingerprint technology and is available in multiple colors, including an edition with a transparent back.
— Donovan Sung (@donovansung) 21 сентября 2018 г.
Launching soon in our global markets across the world! ❤️#Xiaomi #unboxing pic.twitter.com/tWEefavSyQ
Кўриб турганингиздек, Xiaomi ходими ушбу смартфоннинг қадоғини очиб намойиш этилган суратларини ҳам улашган. Уларда Xiaomi Mi 8 Pro икки хил корпусли вариантда кўрсатилган, биринчиси – пушти ва тилларанг аралаш градиент рангда:
Иккинчисининг корпуси қора бўлиб, худди Mi 8 Explorer Edition моделидаги сингари, орқа панели шаффоф:
Xiaomi Mi 8 Pro дунё бозорига қачон жўнатилишига эса Донован Сунг аниқлик киритмаган. Кузатувчилар унинг бошқа мамлакатлар бозорларига октябрда чиқишини тахмин қилишмоқда.
Ўзбекистонда эса «хитойча Apple»нинг булардан олдинги бир қатор русумлардаги смартфонлари, шу шумладан «Тезкорлик устаси» дея тавсифланувчи арзон флагмани – Pocophone F1 ҳам ёрасмий кафолат билан сотилмоқда.
