Xiaomi dunyo bozoriga chiqadigan Mi 8 Pro’ni qadog‘idan olib ko‘rsatdi
Xabaringiz borki, Xiaomi kompaniyasi yaqindagina o‘zining Mi 8 Lite (Youth Edition) hamda Mi 8 Pro (Screen Fingerprint Edition) smartfonlarini taqdim etgandi. Bulardan birinchisi mahalliy bozorga 25 sentyabrdan chiqariladi, ikkinchisining savdolari esa 21 sentyabrdan boshlangan.
O‘QING: iPhone Xs taqdimotidan keyinoq Xiaomi uning naq uch baravar arzon klonini namoyish etdi!
Mi 8 Pro (Screen Fingerprint Edition) hozircha faqat Xitoy bozoriga taqdim etilgan, ammo tez orada uni jahon bozoriga ham chiqarishmoqchi ekanligi ma’lum bo‘ldi. Bu haqda Xiaomi xodimi Donovan Sung (Donovan Sung) o‘zining Twitter-akkaunti orqali xabar bergan.
#Mi8Pro unboxing shots. This gorgeous phone comes with in-display fingerprint technology and is available in multiple colors, including an edition with a transparent back.
— Donovan Sung (@donovansung) 21 sentyabrya 2018 g.
Launching soon in our global markets across the world! ❤️#Xiaomi #unboxing pic.twitter.com/tWEefavSyQ
Ko‘rib turganingizdek, Xiaomi xodimi ushbu smartfonning qadog‘ini ochib namoyish etilgan suratlarini ham ulashgan. Ularda Xiaomi Mi 8 Pro ikki xil korpusli variantda ko‘rsatilgan, birinchisi – pushti va tillarang aralash gradiyent rangda:
Ikkinchisining korpusi qora bo‘lib, xuddi Mi 8 Explorer Edition modelidagi singari, orqa paneli shaffof:
Xiaomi Mi 8 Pro dunyo bozoriga qachon jo‘natilishiga esa Donovan Sung aniqlik kiritmagan. Kuzatuvchilar uning boshqa mamlakatlar bozorlariga oktyabrda chiqishini taxmin qilishmoqda.
O‘zbekistonda esa «xitoycha Apple»ning bulardan oldingi bir qator rusumlardagi smartfonlari, shu shumladan «Tezkorlik ustasi» deya tavsiflanuvchi arzon flagmani – Pocophone F1 ham yorasmiy kafolat bilan sotilmoqda.
