Xiaomi энг арзон – Redmi Go смартфонини рўйхатдан ўтказди!

  •   DiMaX
  •  2750
  •  21.12.2018 09:48

Xiaomi энг арзон – Redmi Go смартфонини рўйхатдан ўтказди!

«Хитойча Apple» ўзининг Redmi туркумида ҳамёнбоп смартфонлар тақдим этиб келмоқда. Арзон телефонлар бозорида рақобат кучайиб бораётгани учун, у мазкур серияда янада арзон – Xiaomi Redmi Go моделини тайёрлади!

ЎҚИНГ: Xiaomi Redmi’лар «кушанда»си – Face ID ва ромсиз экранли, ҳамёнбоп Meizu C9 энди Ўзбекистон бозорида!

Номидан ҳам кўриниб турганидек, Xiaomi’нинг ушбу смартфони ҳамёнбоп моделларга мўлжалланган – «енгил» Android Go операцион тизими бошқаруви остида ишлайди.

Xiaomi Redmi Go ҳақида дастлаб аноним инсайдерлар Weibo тармоғи орқали хабар беришганди, аммо ўшанда кўпчилик буни фейк хабар, деб ҳисоблаган. Лекин куни кеча Сингапурнинг IMDA регуляторида M1903C3GG рақами остида рўйхатдан ўтказилди.

Кўриб турганингиздек, қурилманинг ишлаб чиқарувчиси сифатида Xiaomi, модел номи тарзида эса – Redmi Go кўрсатилган. Демак, ҳамёнбопдан ҳам арзон смартфоннинг яқин орада тақдим этилишига шубҳа қолмади!

ЎҚИНГ: 999 000 сўмгача нархли смартфонларни Terashop.uz’дан олинг (2018 йил 18 декабрь) – харидингиз Ўзбекистон бўйлаб бепул етказилади!

Инсайдерлар шарофати билан ушбу смартфоннинг айрим техник хусусиятлари ҳам маълум бўлган. Уларга кўра, Xiaomi Redmi Go арзон модел бўлса-да, юпқа ромли 5,9 дюймлик дисплейга эга. Бу гаджет 1 ёки 2 гигабайтлик тезкор хотира ҳамда якка модулли камера билан таъминланади.

Модомики янги смартфон «тарошланган» операцион тизимда ишлар экан, унинг процессори ҳам унчалик кучли бўлмайди. Шундан келиб чиқиб, Xiaomi Redmi Go нархи ҳам 100 АҚШ доллари атрофида бўлишини тахмин қилишмоқда.

Xiaomi Redmi Go келаси йил баҳорнинг бошларида тақдим этилиши кутилмоқда, «Хитойча Apple»нинг ҳозиргача жаҳон бозорига чиқарган айрим смартфонларини эса 809 000 сўмдан бошланувчи нархларда сотиб олиш мумкин.

ЎҚИНГ: Mi 8 Pro ҳам Terashop.uz’га етиб келди, Xiaomi смартфонлари арзонлашди (2018 йил 12 декабрь) – харидингиз Ўзбекистон бўйлаб бепул етказилади!

Сайт янгиликларидан доимий хабардор бўлиш учун Телеграм каналимизга қўшилинг!