Xiaomi ҳатто Apple’ни ҳам доғда қолдирди: 3D-сканерли илк планшетнинг «жонли» расмлари, хусусиятлари ва нархлари!
Кейинги йилларда планшетлар саноати смартфонлар каби жадал ривожланаётгани йўқ, аммо ишлаб чиқарувчилар уларни имкон қадар бетакрор қилиб чиқаришга уринишмоқда. Жумладан, купертинолик техногигант навбатдаги iPad Pro’да янгича технологияни илк бор жорий этмоқчи.
ЎҚИНГ: «Кемтик»ли экранга ва Face ID тизимига эга «iPad X» чиқишини iOS 12 «сотиб қўйди»!
Аммо фойдаланувчи қиёфасини уч ўлчамли тарзда таниш орқали блокировкадан чиқувчи биринчи планшетни Apple’дан аввал хитойликлар тақдим этадиган кўринади. Xiaomi корпорацияси ўзининг Mi Pad 4 планшети учун чиқарган расмий реклама постери шунга ишора қилаётир:
Айтиш керакки, хитойлик корпорациянинг мазкур модели 25 июнь куни – инновацион, аммо ҳамёнбоп янги смартфон билан бирга тақдим қилинади.
ЎҚИНГ: РАСМАН: Xiaomi тез кунларда яна иккита мобил қурилмасини намойиш этади!
Кўриниб турибдики, мазкур компания Mi Pad 4 планшетида яқинда тақдим этилган смартфони – Mi 8 флагманидаги 3D Face технологиясини қўлламоқчи. Xiaomi’нинг даъво қилишича, унинг ишланмаси купертиноликларнинг TrueDepth тизимидан кўра тезроқ ишлайди, унингдек аниқ ва хавфсиз бўлади.
Шунингдек, аллақачон Mi Pad 4 планшетининг «жонли» расмлари ҳам интернетда тарқалган. Мана, масалан, қуйидаги суратда планшетнинг бармоқ изи сканери йўқлиги ҳам унинг 3D Face тўлақонли юз сканерига эга бўлишини тасдиқлайди:
Mi Pad 4 планшетининг бошқа хусусиятларига келсак, у Qualcomm Snapdragon 660 процессори базасида ишлайди. Унинг асосий камераси 13, селфи-камераси эса 5 мегапикселли сенсорга эга. Планшетнинг қувват манбаи эса 6000 мА/соатлик аккумулятор бўлиши айтилган. Унинг қора ва тилларанг тусли корпусларда тақдим этилиши кутилаётир.
Xiaomi’нинг янги планшети хотирасига кўра икки хил конфигурацияда ҳамда шунга яраша нархларда тақдим этилади. Унинг 4 ГБ тезкор ва 64 ГБ доимий хотирали талқинига 1499 юань (тахминан 230 АҚШ доллари) миқдорида нарх белгиланади. 6/128 гигабайтлик хотираларга эга бўлган Mi Pad 4 учун эса 1999 юань (тахминан 308 доллар) тўлашга тўғри келади.
ЎҚИНГ: Xiaomi Mi Pad 4 ҳеч бир планшетда бўлмаган хусусият билан чиқарилади
