Xiaomi Mi Mix 4 суратларда: тўртталик бош камерали слайдер!
«Хитойча Apple» шу йилнинг кузида Xiaomi Mi Mix 4 смартфонини намойиш этиши керак. Terabayt.uz сайтида у ҳақдаги айрим маълумотларни эълон қилганмиз.
ЎҚИНГ: Xiaomi раҳбари: «Бу икки смартфонни энди кутмай қўяверинг!»
Интернетда куни кеча янги смартфоннинг патент ҳужжатларидан олинган суратлар тарқалди. Кўпчиликнинг фикрича, бу айнан ўша Xiaomi Mi Mix 4 моделидир.
Мазкур қурилма бош камераси тўртталик бўлиб, бу сенсорлар доирасимон блок ичига олинган. Ёруғлик-диодли фоточақноқ эса ушбу доиранинг ўртасида ёки ундан ташқарида жойлашиши мумкин. Афтидан, ишлаб чиқарувчи бунинг турли вариантларини синаб кўрмоқда.
ЎҚИНГ: Redmi камераси 64 МПлик биринчи смартфонини ва унда олинган расмни эълон қилди
Mi Mix 4 орқа панелида дактилоскопик сканер кўринмайди. Демак, Xiaomi ушбу датчикни бевосита экраннинг ўзига интеграция қиляпти.
Қурилманинг ўзи бизга Xiaomi Mi Mix 3 орқали таниш бўлган слайдер форм-факторига эга. Унинг олд панели пастга сурилганида, икки модулли селфи-камера очилади.
Ҳозиргача глобал бозорга чиққан турли русумлардаги Xiaomi телефонларини эса 590 000 сўмдан бошланувчи нархлар эвазига Terashop.uz интернет-дўконимиздан сотиб олиш мумкин.