Xiaomi шу ойдаёқ барқарор MIUI 10 прошивкасигача янгиланувчи смартфонларини маълум қилди

Аксарият смартфонсозлар янги моделларини савдога чиқаргач, эски русумлардаги телефонларининг дастурий таъминотини янгиламай қўйишади. Бунда маркетинг мақсадлари ҳам кўзланган – эски русумдаги телефон ва унинг эскирган прошивкасидан зериккан фойдаланувчилар янги смартфонларни сотиб олишга ҳаракат қилишади. Аммо Xiaomi унақа эмас – бу корпорация эски смартфонларининг ҳам прошивкасини энг сўнгги талқингача янгилаб боради.

ЎҚИНГ: Яна 21 та Xiaomi смартфонига барқарор MIUI 10 тарқатилмоқда – бундай моделларнинг умумий сони 39 тага етди!

Жумладан, айни дамда мазкур ишлаб чиқарувчи тобора кўпроқ смартфонлари учун MIUI 10 график қобиғига асосланган прошивкани тарқатмоқда. «Хитойча Apple» куни кеча мазкур ойнинг охиригача янги прошивкани қабул қиладиган смартфон моделларини эълон қилди.

Хабарга кўра, MIUI 10 талқинига асосланган янгича прошивкалар ноябрнинг охиригача Mi 3, Mi 4, Redmi Note 3 (Qualcomm), Redmi Note 3 Special Edition, Redmi 3S/3X, Redmi Note 4 (MTK) ҳамда Redmi 4 Prime смартфонларига ҳам тақдим этилади. Айтиш керакки, мазкур рўйхатдагиларнинг барчаси тақдим этилганига икки йилдан ошган қурилмалардир.

ЎҚИНГ: Xiaomi барчани қизиқтириб, Mi Mix 3 Youth Edition ўрнига умуман бошқа, аммо хит бўлувчи смартфон тақдим этди

Афтидан, ушбу смартфонларга тарқатиладиган MIUI 10 график қобиғи Android операцион талқинининг Oreo ёки Pie эмас, балки нисбатан олдинги – 7.1 Nougat талқинига асосланади. Афсуски, Xiaomi компанияси ушбу янгиланишлар қайси ҳудуд учун амал қилишига ҳам ойдинлик киритмаган. Катта эҳтимол билан, бу ерда гап Хитой ҳудуди учун чиқарилган смартфонларга хитойча прошивка тарқатилиши ҳақида кетяпти.

Лекин одатда, муайян моделлардаги смартфонларга хитойча прошивка тарқатилганидан сўнг орадан кўп ўтмай, унинг глобал талқини ҳам тақдим этилади. Шундай экан, нисбатан эски русумлардаги Xiaomi смартфонлари эгалари ҳам янгиланишларни кузатиб боришларини тавсия этамиз.

Шунингдек, янги смартфон олишни истаганларга эслатма: Terashop.uz интернет-дўконимизда Apple, Huawei, MDC, Meizu, Nokia, Philips, Samsung ва Xiaomi компанияларининг турли русумлардаги телефонлари онлайн усулда сотилмоқда.

ЎҚИНГ: Xiaomi смартфонингиз борми? Унда танловда қатнашиб, 10 000 доллар ютиб олинг!