Хитойликлар аллақачон экрани барча Galaxy S20’лардан кучли смартфон тайёрлашди! (+«жонли» сурат)
Samsung кейинги ойда ўзининг Galaxy S20, Galaxy S20 Plus ва Galaxy S20 Ultra флагманларини намойиш қилади. Улар техник хусусиятлари юксак, ўзи кўркам смартфонлар бўляпти.
ЎҚИНГ: Samsung Galaxy S20, S20+, ва S20 Ultra'ларнинг тўлиқ техник жиҳатлари билан танишамиз
Флагманлар кушандаларини тайёрлаши билан танилган хитойлик компания эса OnePlus 8 Pro моделини ёзда тақдим этмоқчи. Бироқ ушбу қурилма ҳақида турли маълумотлар чиқмоқда, жумладан, True-tech.net ресурси унинг ишлаётган ҳолидаги «жонли» расмини эълон қилди:
Суратга кўра, OnePlus 8 Pro экранида картина янгиланиш частотасини 60, 90 ва 120 герцлик қилиб созлаш имкони мавжуд. Бироқ энг юқори – 120 герцлик режимда ишлаганида, Samsung Galaxy S20 флагманларида бўлгани каби, тасвир аниқлигини 1080р кўрсаткичигача тушириш талаб этилмайди. Кадр янгиланиш частотаси сониясига 120 тани ташкил этганида ҳам дисплей WQHD+ форматидаги аниқликда тасвир узатаверади.
Таъкидлаш ўринлики, Samsung ўз флагманларини 11 февралда расман кўрсатади, OnePlus 8 Pro тақдимоти эса шу йилнинг май ёки июнь ойларида бўлиб ўтиши кутилмоқда.