Хушхабар: UMS «Абитуриентларга мегабайтлар» беряпти!

  •   DiMaX
  •  3079
  •  19.06.2018 17:00

Хушхабар: UMS «Абитуриентларга мегабайтлар» беряпти!

Олий ўқув юртларига қабул жараёни бошланиши билан, турли компаниялар абитуриентлар учун ўз хизматларини таклиф этишга эътибор беришади. UMS уяли алоқа оператори ҳам бундан четда қолаётгани йўқ.

ЎҚИНГ: UMS’дан янги акция: «Плюсда бўлинг!»

Universal Mobile Systems (UMS) компанияси махсус «Абитуриентларга мегабайтлар» акциясини эълон қилди. Мазкур акция доирасида абитуриентлар ушбу компаниянинг янги рақамини улатиб, ҳар ой бонусли мегабайтларга эга бўлишади.

Компаниянинг расмий сайтида хабар берилишича, бу акция доирасида уланганларга ярим йил давомида ҳар ой қуйидаги бонуслар тақдим этилади:

  • «Оптимал», «Оптимал+», «Қулай» ёки «Қулай+» тариф режасига уланганлик учун – 1500 МБ;
  • «Премиал» ёки «Идеал» тариф режасини танлаганлик учун – 2000 МБ;
  • «VIP» тариф режаси учун – 3000 МБ.

ЎҚИНГ: UMS яна битта – «VIP Йиллик» тариф режасини чиқарди!

«Абитуриентларга мегабайтлар» акцияси доирасида бонусли янги рақам улатиш учун UMS офисига бориб, паспортнинг аслини ва қуйидаги ҳужжатлардан бирини тақдим этиш керак:

  • олийгоҳга ҳужжат топширилгандан кейин бериладиган рўйхатдан ўтганлик ҳақидаги ҳужжат;
  • 2017 ёки 2018 йилда лицей ёки коллежни битирганлик ҳақида диплом.

Ушбу акция бугун – 19 июнда бошланган бўлиб, 31 июль якунигача давом этади. Унинг шартлари билан батафсил танишиш ҳамда бошқа маълумотлар олиш учун Universal Mobile Systems компаниясининг расмий сайтига киришингиз мумкин.

ЎҚИНГ: UMS’нинг барча USSD-кодларини билиб олинг! (Тўлиқ рўйхат)

Terabayt.uz сайтининг видеолари: Youtube'даги каналимизда!