Facebook ilovasi endi oq-qora bo‘ladi!
Eng ommabop ijtimoiy tarmoqning memmenjeri – Facebook Messenger yaqinda to‘qrang interfeysga ega bo‘lgandi. Kompaniya endi o‘zining asosiy ilovasini yangilashga tayyorgarlik ko‘rmoqda.
O‘QING: Facebook Messenger’da endi egasiga yetib borgan xabarlarni ham o‘chirish mumkin!
XDA-Developers resursi foydalanuvchilaridan biri Android uchun tayyorlanayotgan yangicha Facebook ilovasining suratlarini e’lon qildi. Unda ko‘k rang butkul olib tashlangan va interfeys oq-qora ko‘rinishda taqdim etilgan.
Bu turishida Facebook ko‘proq Instagram ilovasini eslatib yuboradi.
Bundan tashqari, kompaniya dasturchilari uning bosh sahifasiga ikkita yangi varaqa qo‘shishgan: profil hamda videolar bo‘limi.
Ushbu oq-qora interfeys Facebook foydalanuvchilariga qachon taqdim etilishi hozircha noma’lum. Chunki uni hozircha rasman taqdim etishmagan, namoyishidan so‘ng ham bosqichma-bosqich tarqatiladi.
O‘QING: WhatsApp’dan foydalaning. Telegram, Facebook Messenger va Google Allo’ga ishonch yo‘q!