Galaxy S10+ flagmanining naq 1 terabaytlik UFS 2.1 xotirasi rasman taqdim etildi
Janubiy koreyalik texnogigantning Galaxy S10+ smartfoni eng ilg‘or talqinda bir terabaytlik ichki xotiraga ega bo‘lishi haqida mish-mishlar tarqalgan edi. Ular o‘z tasdig‘ini topdi – Samsung bugun yangi turdagi flesh-xotirani rasman namoyish etdi.
O‘QING: EKSKLYuZIV: Galaxy S10+’ning eng sifatli «jonli» surati internetda ilk bor Terabayt.uz’da!
Ushbu eUFS turidagi xotira moduli o‘lchami oldingilaridek – 11,5x13 millimetrga teng. U «yangidan ishlab chiqilgan» kontrollerni hamda V-NAND rusumli 16 qavat flesh-xotirani o‘z ichiga oladi.
Mazkur ichki xotiraning o‘qish va yozish tezligi tegishlicha 1000 va 260 MB/soniyani tashkil etadi. Samsung allaqachon uni ommaviy ishlab chiqarishga joriy etgan.
O‘QING: Samsung Galaxy S10 smartfonlarining Yevropadagi narxlari ma’lum qilindi!
