Gmail-akkauntingizni masofadan turib ham yopishni o‘rganib qo‘ying!
Ba’zida shunaqa bo‘lib qoladi: vaziyat taqozosi bilan kutubxonada yoki internet-kafedagi kompyuterdan Gmail-pochtangizga kirasiz, lekin oxirida akkuntdan chiqib ketdingizmi yo yo‘qmi – eslay olmaysiz. Shunaqa paytlarda masofadan turib ham Gmail-akkauntingizni yopish mumkin va buni quyida ko‘rib chiqamiz.
O‘QING: Google pochtasining «intellektual» funksiyasi foydalanuvchilarni qo‘rqitib yubordi
Agar internetga kompyuterdan kirayotgan bo‘lsangiz:
- Istalgan brauzerdan Gmail-akkauntingizga kirasiz.
- Sahifaning pastki o‘ng burchagidagi «Dopolnitelnaya informatsiya» ustiga chertasiz.
- Ayni damda sizning akkauntingiz qaysi qurilmada ochiq holda qolgan bo‘lsa, barchasi ayni shu yerda ko‘rinadi. «Viyti iz vsex ostalnix seansov Gmail» yozuvi ustiga bosasiz – shunda aynan hozir o‘zingiz kirayotgan kompyuter (yoki noutbuk)dan tashqari barcha gadjetlarda Gmail-akkauntingiz yopiladi.
Bordiyu mobil qurilmadan kirayotgan bo‘lsangiz:
- Google akkauntingiz sozlamalariga kirasiz.
- «Bezopasnost» bo‘limiga kirib, pastrog‘idagi «Vashi ustroystva» bandigacha borasiz.
- Shu yerdagi «Upravleniye ustroystvami» qismini bossangiz, akkauntingizga kirilgan va yopilmasdan qolgan barcha ilovalar va devayslarni ko‘rsatadi. Qaysi birida akkauntingizni yopmoqchi bo‘lsangiz, o‘shani tanlab, «Zakrit dostup» tugmachasini bosasiz.
Ana, endi Gmail-akkauntingiz hech qayerda ochiq qolgani yo‘q – xavotirlanmasangiz ham bo‘laveradi.
O‘QING: Telegram, WhatsApp va Viber’dagi o‘z profillarimizni yangi telefon raqamimizga qanday o‘tkazamiz?