Huawei’ning ishi besh: ikki oyda 3 million dona Honor 10 sotildi
Huawei kompaniyasining Tvitter’dagi rasmiy sahifasida Honor 10 smartfoni sotuvi haqida post joylandi.
Huawei Honor 10 smartfoni 19 aprel kuni taqdim etilgan edi, rasmiy sotuvga chiqishi esa Xitoyda 29 aprelda boshlandi hamda 15 may kuni xalqaro bozorga ham chiqarildi. Sotuvga chiqqan kundan to 11 iyulgacha kompaniya uch million dona yangi flagman smartfonini sotibdi. Maqtansa arzigulik natija. Shu bois ham Huawei yangi apparatlarining sotuvi, ayniqsa Ispaniyada 500 foizgacha o‘sganini alohida ta’kidlab o‘tgan. Birgina Xitoyning o‘zida Honor 10’dan 1 million dona sotilgan.
O‘QING:TOP-6: $600 dollardan qimmat kuchli smartfonlarning bizdagi narxlari!
Honor 10 84-dyuymli IPS-displeyiga ega bo‘lib, uning formati 2280 ga 1080 piksel va tomonlar nisbati 19:9. Ekranida old kamera va dinamik uchun tirqish bor. Romning past qismida barmoq izlari skaneri joylashgan. Kirin 970 chipi qurilmaning yuragi hisoblanadi. Honor 10 4 yoki 6 gigabayt tezkor va 64 yoki 128 gigabayt ichki xotiraga ega. Smartfonning qo‘sh kamerasi 16 va 20 Mp modullari bilan ta’minlangan. Portret rejimi mavjud. Old kamerasi 24-megapikselli bo‘lib, yuzni tanish funksiyasiga ega. Qurilmaning akkumulyatori 3320 mAch sig‘imli. SuperCharge 5V/4,5A (25 daqiqada 50%) tezkor quvvatlanirgich ham bor. Qolaversa, USB Type-C porti va 3.5-millimetrlik audio tirqish qurilmaning imkoniyatlari qay darajada ekani haqda yaxshi tasavvur beradi. Ovoz uchun AK4376A chipi mavjud, hatto NFC ham esdan chiqarilmagan. Apparatning operatsion tizimi Android 8.1 Oreo'da ishlaydi, deyiladi xabarda. Qurilmaning 6/64 GB versiyalisi 415 dollarga narxlangan, qimmatroq varianti esa, ya’ni 6/128 gigabaytlisi 480 dollarga aylanadi.
O‘QING:3 oyda 3 mln dona sotilgan smartfonning O‘zbekistondagi narxi qancha?