JerryRigEverything eng mustahkam smartfonni e’lon qildi
Garchi, Nokia 7 Plus shu yilning fevral oyida MWC 2018 konferensiya doirasida namoyish qilingan bo‘lsa-da, u smartfonlarning mustahkamligini sinab ko‘radigan qattiqqo‘l ekspert – JerryRigEverythin’ning qo‘liga endi kelib tushdi. Bekorga emas ekan.
Nokia 7 Plus ekranini Gorilla Glass 3 shishasi himoyalaydi. U tirnalishlarga chidamliligi jihatidan Gorilla Glass 5’ dan aslo qolishmaydi. Barmoq izlari skaneri oson tirnaladi, lekin bu, uning faoliyatiga aslo ta’sir qilmaydi. Ammo asosiy kameralarning yuzasidagi shisha ham, metal karkas ham juda mustahkam ekan, ularni tirnab bo‘lmadi.
O‘QING: Nokia’ dan o‘ziga xos sovg‘a: maqbul narxda
Olov bilan sinab ko‘rilgandan keyin, displeyda dog‘ paydo bo‘ldi, biroq bir necha soniyadan keyin peksillar hayratlanarli ravishda qayta tiklandi.
Eng jiddiy sinov, bu smartfonga jismoniy kuch ishlatish bo‘ldi. Blogger qurilmani qayirishga urinib ko‘rdi, behuda kuch sarflayotganini tushungach, qo‘lida eng mustahkam apparatlarning biri turganini tan olishga majbur bo‘ldi.
Shu bois, 7 Plus’ni mustahkamliq borasida Nokia «g‘ishtlarining» munosib izdoshlari ekan, deb bemalol aytsak bo‘ladi.