Mail.Ru Group «Amigo» brauzerini rasman yopmoqchi
Hammasi hal bo‘ldi! Mail.Ru Group kompaniyasi 2012 yilda asos solingan «Amigo» brauzerini ishlab chiqarish va tadbiq etishni rasman to‘xtatayotgani haqida e’lon qildi.
«Do‘stlar, ushbu kun keldi. Amigo endi yo‘q. O‘zi yomon brauzer emas edi, lekin unga aloqadagi pala-partishligi pand berdi — u yomon reklama tarmoqlari bilan o‘ralashib qoldi va endi uning nufuzini tiklab bo‘lmaydi. Bugundan boshlab Amigoni ishlab chiqarishni to‘xtatdik», — deb xabar berdi kompani rahbariyati.
O‘QING:Qarshi oling: Firefox Rocket – «reaktiv» Android-brauzer!
«Amigo» o‘zining olti yillik faoliyati davomida nafaqat o‘z muxlislarini topa oldi, balki eng yomon brauzerlarning biriga aylandi. Shu bilan birga Mail.Ru Group’dagilar brauzerni yaratish, tatbiq etishda va reklama tarmoqlari bo‘yicha insofsiz hamkorlarlarini ayblamoqda. «Brauzerni tarqatish uchun ular shartnomada ko‘rsatilgan shartlarni buzib, siyqasi chiqqan yo‘ldan foydalanishgan. Bunday harakatlar mahsulotga nisbatan yomon taassurot uyg‘otgan. Shu sababli, Mail.ru Group Amigo brendini rivojlantirish rejasidan voz kechadi», — deyiladi tarqatilgan bayonotda.
Gap shundaki, «Amigo» litsenziyalanmagan softlarga asosan “bonus” sifatida taqdim etilardi. «Amigo» o‘rniga foydalanuvchilar Mail.Ru Group’dan yana o‘nlab “joni qattiq” ilovalar bilan ta’minlandi.
O‘QING:Yangi Android-brauzer tezkorlikda Google Chrome’ni ortda qoldirdi
Agar avvaldan foydalanuvchilarda ushbu brauzer bo‘lsa (agar undaylar bo‘lsa) ular kelgusida ham unday foydalanishda davom etishi mumkin.