Motorola’dan bir yo‘la to‘rtta smartfon: hammasi o‘rta toifada
Mashhur insayder Evan Blass (Evan Blass) Twitter’dagi akkaunti orqali Xitoyning Lenovo kompaniyasiga qarashli Motorola brendi ostida kelgusida chiqarilayotgan smartfonlar lineykasi bilan tanishtirdi.
Manbada aytilishicha, Lenovo 2019 yilda Moto G seriyasida bir yo‘la to‘rtta modelni chiqarishi mumkin. Moto G7 Standard’ga qo‘shimcha ravishda Moto G7 Play, Moto G7 Plus va Moto G7 Power versiyalari chiqadi. Hozircha ushbu smartfonlar haqida ma’lumotlar ko‘p emas. Lekin Power deb nomlangan versiyalari kuchli akkumulyatorga ega bo‘ladi.
O‘QING:Endi “egiluvchan” smartfon bo‘lib: afsonaviy buklama Motorola RAZR qaytmoqda
Bundan avvalgi tarqalgan xabarlarga ko‘ra, standartli Moto G7 ulkan 6,4-dyuymli displey, 12-megapikselli old kamera va 16+5 Mp bo‘lgan ikkitalik asosiy kamera bilan jihozlanadi. Shuningdek, sakkizyadroli Qualcomm Snapdragon 636 protsessorga ham ega bo‘ladi. Tezkor xotirasi 4 GB va ichki xotirasi 64 GB. Shuningdek, akkumulyatorning sig‘imi 3500 mAch. Smartfon Android 9 Pie operatsion tizimi boshqaruvida ishlaydi.
Moto G7 seriyasining rasmiy debyuti kelasi yil fevral oyida Barselonada bo‘lib o‘tadigan MWC 2019 ko‘rgazmasida yoki biroz keyinroq bo‘ladi.
O‘QING:Motorola P30 smartfoni anonsiga bir kun qolganda oshkor etildi