O‘zbekiston moliyaviy ma’lumotlari endi OAV va Internetda e’lon qilinadi
Shavkat Mirziyoyev 2021 yil – «Yoshlarni qo‘llab-quvvatlash va aholi salomatligini mustahkamlash yili» Davlat dasturini tasdiqlash to‘g‘risidagi Farmonni imzolagan. Unga ko‘ra, joriy yilning 1 may sanasidan ayrim moliyaviy ma’lumotlarni OAV va Internetda e’lon qilish amaliyoti yo‘lga qo‘yiladi.
O‘QING: O‘zbekistonda 2G, 3G, 4G va 5G texnologiyalari: Tezkor internetga ulash qanday ketyapti?
Unga ko‘ra, 2021 yilda davlat boshqaruvi xodimlari soni o‘rtacha 15 foizgacha optimallashtiriladi.
2021 yil 1 maydan quyidagilarga oid moliyaviy ma’lumotlarni OAV va Internetda e’lon qilish amaliyotini joriy etiladi:
- davlat organlari byudjetdan tashqari jamg‘armalarining daromadi va xarajatlari;
- ustav fondida (ustav kapitalida) davlat ulushi 50 foiz va undan ortiq bo‘lgan yuridik shaxslar hamda ularga ustav fondining (ustav kapitalining) 50 foizi va undan ortig‘i tegishli bo‘lgan yuridik shaxslar xaridlari;
- davlat subsidiya va grantlarining miqdorlari va oluvchilari.
Shuningdek, 2021 yil 1 iyulga qadar mahalliy davlat hokimiyati organlari tomonidan qarorlarni faqatgina maxsus «E-qaror» elektron tizimi orqali tayyorlab, qabul qilish amaliyoti yo‘lga qo‘yiladi.
O‘QING: Ish haqi summalari to‘g‘risidagi ma’lumotni endi tez va bepul – onlayn tarzda olishingiz mumkin
