PlayStation 5 narxi va deyarli barcha xususiyatlari e’lon qilindi
Sony kompaniyasi PlayStation 5 konsolini e’lon qilganidan buyon uning ko‘rinishi va xususiyatlari haqida ma’lumotlar tarqalmoqda. Saytimizda pristavkaning render videosi, shuningdek, konsolning va geympadning ilk «jonli» rasmlari ham e’lon qilingan.
O‘QING: PlayStation 5 allaqachon Xbox Series X ustidan ilk g‘alabasini qozondi
Garchi ishlab chiqaruvchining o‘zi keyingi avlod o‘yin pristavkasining texnik jihatlarini hozircha sir tutayotgan bo‘lsa-da, insayderlar allaqachon bu ma’lumotlarni tarqatishdi. BGR nashri manbasiga ko‘ra, PlayStation 5 quyidagicha xususiyatlarga ega:
- Videokarta RDNA 2 arxitekturasi asosida ishlangan; chastotasi 1,7 GGs.lik, unda 60 ta hisoblash blogi bo‘lib, samaradorligi 13,3 teraflops.
- Sakkiz yadroli AMD Zen2 protsessori; uning ishlash chastotasi aslida 3,4 GGs, lekin Sony mazkur chipsetni 3,7 GGs.lik chastotagacha kuchaytirmoqchi.
- Tezkor xotirasi: 16 gigabaytlik GDDR6 + 4 gigabaytlik DDR 4.
- Ichki xotirasi: 1 terabaytgacha hajmli, 5,5 GB/soniyagacha tezlikdagi SSD.
- Nurlar trassirovkasi texnologiyasini qo‘llab-quvvatlashi uchun alohida RT yadrolari.
- O‘tkazuvchanlik qobiliyati – 565 GB.
- Barcha oldingi avlod PlayStation’lar bilan to‘liq o‘zaro muvofiqlik.
- Yangi avlod – DualShock 5 geympadi taktil qayta ta’sirga, yurak urishini o‘lchovchi datchiklarga va o‘z mikrofoniga ega.
- Ovozli buyruqlar yordamida o‘yinlarning biridan ikkinchisiga o‘tish, ko‘p geymerli rejimni ishga tushirish va hokazolar uchun PlayStation AI «aqlli» yordamchisi.
Manbaga ko‘ra, PlayStation 5 savdoga 499 dollar narxida chiqariladi; uning relizi 2020 yil so‘ngida bo‘lib o‘tadi.