Samsung buklama smartfonini antiqa surat bilan reklama qilyapti
Janubiy koreyalik texnogigant o‘zining qayishqoq ekranli buklama smartfonini tez orada namoyish etmoqchi ekanidan xabaringiz bor. Kompaniya o‘zining Twitter-akkaunti orqali shu modelga bag‘ishlangan antiqa rasmni e’lon qildi.
O‘QING: Samsung’ning buklama smartfoni egiluvchan displeydan tashqari yana bitta ekranga ega!
Kompaniya e’lon qilgan rasmda qoq belidan bukilgan Samsung logotipi aks ettirilgan:
Eslatib o‘tamiz, Galaxy F (ayrim manbalarga ko‘ra – Galaxy X) modeli haqidagi batafsil ma’lumotlarni 7-8 noyabr kunlari San-Fransisko shahrida o‘tkaziladigan anjumanda aytishadi.
Biroq aynan buklanuvchi displeyli mobil qurilma borasida birinchilikka intilayotgan Samsung ham, Huawei ham dog‘da qolgan. Unchalik ham tanilmagan bir xitoylik kompaniya buklanuvchi, tag‘in Snapdragon 8150 protsessorli ilk smartfonni allaqachon sotuvga chiqarishgayam ulgurgan.
