Ucell’dan xushxabar: endi «Oylik internet-to‘plamlar»dagi megabaytlaringiz keyingisiga o‘tadigan bo‘ldi!
Yurtimizda faoliyat ko‘rsatayotgan uyali aloqa operatorlari o‘z mijozlariga muloqot imkoniyatlaridan tashqari, mobil internet xizmatlarini ham taklif etishadi. Ucell brendi ostida faoliyat yuritayotgan «COSCOM» MChJ bu borada yaxshi bir o‘zgarish qilgani haqida o‘z sayti orqali xabar berdi.
O‘QING: Ucell yangi – «Kayfiyat» tarif rejalari tizimini joriy etdi
Operatorning ma’lum qilishicha, 2018 yilning 7 iyunidan yanada yoqimli shartlarda yangi «Oylik internet-to‘plamlar» joriy etilmoqda. Endi yangi «Oylik internet-to‘plamlar» doirasidagi trafikning amal qilish muddati 31 kunni tashkil qiladi, avtomatik uzaytirish muddati esa – har 30 kunni. Bu shuni bildiradiki, endi har gal yangi to‘plam avtomatik belgilanganida oldingi muddat trafigi bekor qilinmaydi, balki yangi xarid qilinganiga qo‘shiladi.
Xullas, yangi internet-to‘plamlar quyidagicha:
|
To‘plamlar |
Berilgan trafik hajmi*, MB |
Narxi, so‘m |
|
To‘plam 50 |
50 |
5 190 |
|
To‘plam 150 |
150 |
12 590 |
|
To‘plam 400 |
400 |
18 900 |
|
To‘plam 1 GB |
1024 |
24 900 |
|
To‘plam 2 GB |
2048 |
40 900 |
|
To‘plam 3 GB |
3072 |
49 900 |
|
To‘plam 4 GB |
4096 |
55 900 |
|
To‘plam 8 GB |
8192 |
104 900 |
|
To‘plam 16 GB |
16384 |
136 900 |
|
To‘plam 32 GB |
32768 |
188 900 |
|
To‘plam 64 GB |
65536 |
230 900 |
|
To‘plam 128 GB |
131072 |
293 900 |
Yana saytda ta’kidlanishicha, «Qulay Internet» tarif rejasi abonentlariga tungi vaqtda foydalanish uchun 100 foizlik miqdorda bonus ham taqdim etiladi. Qolaversa, yangi «Oylik internet-to‘plamlar» bilan abonentlar «Ko‘proq ol!» aksiyasida ishtirok etishlari mumkin!
Shunisi ham borki, agarda abonent hisobida yetarlicha mablag‘ bo‘lmaganligi sababli avtomatik belgilanish amalga oshmasa, to‘plam o‘chirilib, keyingi oyda qaytadan belgilanmaydi.
«Qadrdonlar!» sodiqlik dasturi doirasidagi xarid qilinuvchi internet-to‘plamlar o‘zgarishsiz qoladi va oldingi shartlarda taqdim etiladi.
BILISh MUHIM: 2018 yilning 7 iyuniga qadar xarid qilingan internet-to‘plamlarda, avtomatik uzaytirish funksiyasi ishlamaydi. Ortiqcha xarajatlardan xoli bo‘lish uchun yangi «Oylik internet-to‘plamlar»dan birini ulash tavsiya etilmoqda.
«Oylik internet-to‘plamlar» shartlari va boshqa xizmatlar bilan batafsil tanishish uchun Ucell rasmiy saytiga o‘tishingiz mumkin.
O‘QING: Ucell har xil bonuslarga to‘la «Yangi ijobiy» tarif rejasini joriy etdi!
