Xiaomi’ning ulkan ekran, baquvvat batareya va metall korpusli smartfoni Xitoydan tashqariga ham chiqdi
«Xitoycha Apple» o‘zining Mi Max 3 smartfonini taqdim etganidan beri bir oydan oshiqroq vaqt o‘tdi. Katta ekranli, baquvvat batareyali va metall korpusli ushbu qurilma shu vaqtgacha faqat o‘z vatanida sotilib kelayotgan edi.
O‘QING: "Mobil kinoteatr" -- Mi Max 3 taqdim qilindi!
Endi bo‘lsa Xiaomi Mi Max 3 modeli Tayvanda ham rasmiy savdoga chiqarildi, uning narxi esa 260 AQSh dollaridan boshlanadi! Ishlab chiqaruvchiga yaqin manbalarning ta’kidlashicha, bu – mazkur devaysning dunyo bo‘ylab savdoga chiqarilishi borasidagi birinchi qadamdir.
Ushbu smartfon hozircha O‘zbekiston bozorlariga yetib kelmagan. Ammo Xiaomi’ning boshqa ko‘plab rusumlardagi gadjetlarini bir yillik rasmiy kafolat bilan olish imkoni mavjud.