Yangi Honor flagmani Tesla bilan hamkorlikda chiqmoqda
Twitter’ning xitoycha muqobili Weibo saytida yaqinda chiqarilishi kutilayotgan Honor Magic 2 smartfonining noodatiy quti fotosurati paydo bo‘ldi. U hozirgacha rasman taqdim etilmagandi. Uni shu sohaga ixtisoslashgan SlashLeaks resursi e’lon qildi.
Qora qutida Honor Magic 2 va Tesla yozuvlari ko‘rinib turibdi. Bundan shunday xulosa chiqarish mumkinki, Huawei kompaniyasi smartfonning maxsus versiyasini Tesla avtomobil ishlab chiqaruvchi kompaniya bilan birgalikda chiqarmoqda. Uning oddiy versiyadan farqli jihatlari haqida ma’lumot hozircha berilgani yo‘q. Faqat shuni taxmin qilish mumkinki, yangi qurilmaning xotirasi katta va unga juda sifatli ishlov berilgan.
O‘QING:Honor 8X: narx borasida toifadoshlaridan arzon
Eslatib o‘tamiz, Huawei avgust oxirida bo‘lib o‘tgan IFA 2018 ko‘rgazmasida ham smartfon namoyish etgan edi, ammo uning tafsilotlari oshkor etilmagandi. Mazkur smartfon 2016 yil dekabrda chiqqan Honor Magic o‘rniga kelmoqda. U to‘liq romsiz va qirqmasi ham yo‘q, displeyi xuddi iPhone X smartfonidagiga o‘xshaydi. Kameralar displeyni surganda ochiladigan modulda joylashgan.
Apparatning asosini qimmat HiSilicon Kirin 980 protsessori tashkil etadi. U ancha zamonaviy sun’iy intellekt bilan ta’minlangan. Shuningdek, quchli quvvatlantirgich qurilmasiga ham ega. U tezkor quvvat olishni ta’minlaydi.
Honor Magic 2 flagmanining taqdimoti Mate 20 va Mate 20 flagman smartfonlarining anonsidan ikki hafta o‘tgach, ya’ni 31 oktyabrda bo‘lib o‘tadi.
O‘QING:Huawei’ning betakror romsiz slayderi – Honor Magic 2 taqdimot kuni ma’lum!